kalla

2005-04-03T19:08:00.000+02:00

Hvar eru þær eiginlega búnar að vera?

Heiðdís er alsæl úti í Frakklandi með Hjördísi og langar ekkert að koma heim. Að eigin sögn er skólinn í messi vegna drykkju, en hún smókaði samt eitt próf um daginn. Hún er alltaf að signast inn á msn á netkaffinu þó svo að hún sé ekki á staðnum. Til að mynda þá var ég að tala við gaur um daginn á frönsku sem var á msn-inu hennar, ég hélt allan tímann að þetta væri Heiðdís að fokka í mér. Gaurinn sagði mér að hann væri nýbakaður faðir og setti svo mynd af sér og syninum í msn-gluggann. Þá fór ég nú að hallast að því að þetta væri ekki Heidi, sérstaklega þar sem hann bað mig um að adda sér inn á sitt msn calimero73@hotmail.com Hjördís er alltaf söm við sig, sem betur fer, og er núna búin að týna nýja símanum og nýju myndavélinni sinni. Hún segist alltaf vera hauslaus á djamminu og getur því ekki borið ábyrgð á neinu svona dóti. Það er svo gaman hjá þeim skonsum að þær eru ekkert að hamra inn á bloggið eða setja inn myndir - en það er bara seinni tíma vandamál. Núna er sólin farin að skína í Montpellier svo að Hjördís er komin með sólvörnina á loft. Hjördís kemur svo til okkar eftir 2 og 1/2 mánuð sem er ótrúlegt því mér finnst eins og hún sé nýfarin út. Thelma er sko aldeilis fullnægð í New York, hún er búin að versla meira af fötum heldur en hún hefur gert samanlagt yfir ævina. Svo er nýjasta trendið hjá henni að fara út að hlaupa beint eftir djammið og gera dyraat. Thelma er búin að lenda í ýmsu sem að herðir hana bara. Hún er t.d. búin að lenda í ýmsum ógeðfelldum karlmönnum sem fara á bólakaf undir sníparann í strætó (minipilsið). Thelma hefur Önnu til að leika við en þær eru einmitt í "The babysitter Club". Ég talaði við Thelmu í gær í símann í fyrsta skipti í 7 mánuði, hún hljómaði alveg eins og síðast. Ég vænti þess að fá Thelmu á íslenska djammið eftir 5 mánuði! Signý er nú lent á Möltu og er búin að vera þar í 3 vikur held ég. Hún dreif sig á flóðasvæðin í Malasíu eftir áramót og er búin að ferðast um aaaallt undanfarna mánuði. Hún og tyrkjarnir á Möltu eru ekki að mingla, þeir trúa því að ef þeir giftast konu sem er ljós yfirlitum þá öðlast þeir endalausa heppni, þannig að þeir láta ekki Signýju í friði. En þar sem Signý er svona 20 cm stærri en þeir þá gefur hún þeim bara einn "god morgen". Signý er aftur á móti að mixa með aröbunum, þeir eru að gefa henni afslátt hægri vinstri og er hún kominn með fastakúnna afslátt í Diesel-búðinni, þar sem að nýjar Diesel buxur fást á helmingi minna verði en heima. Signý á eftir að taka smá túr um Evrópu áður en hún kemur heim í fangið á Köllu sinni í lok maí.

2005-04-01T11:51:00.000+02:00

A skinny little white guy goes into an elevator, looks up and sees this HUGE African American guy standing next to him. The big guys sees the little guy staring at him, looks down and says: "7 feet tall, 350 pounds, 14 inch penis, 1 pound left testicle, 1 pound right testicle,...Turner Brown." The small man faints dead away and falls to the floor. The big guy kneels down and brings him to, shaking him. The big fellow says, "What's wrong with you?" In a weak voice the little guys says, "What EXACTLY did you say to me?" The big dude says, "I saw the curious look and figured I'd just give you the answers to the questions everyone always asks me. I'm 7 feet tall, I weight 350 pounds, I have a 14 inch penis, my left testicle weighs 1 pounds, my right testicle weighs 1 pounds and my name is Turner Brown." The small guy says, "Turner Brown?" Thank God! I thought you said "Turn around."

2005-03-28T19:20:00.000+02:00

Árshátíð víðistaðinga var haldin heima hjá Sunnu á laugardaginn. Dagskránni var haldið "stíft" eftir, en allt byrjaði þetta með fordrykk og munchi og svo kom að matnum...dýrindis pítsur frá Robin Hood! Fórum svo niður og horfðum á video úr afmælum hjá Sunnu þar sem maður var upp á sitt besta í vesti og með heklaða kollu á hausnum. Svo átti Sunna video úr afmæli bróður hennar þar sem ég og hún vorum með dansatriði og leikrit, hvað var eiginlega að manni á þessum árum??

Svo horfðum við á söngleikinn sem við gerðum í 10. bekk sem var svo miklu betri þá heldur en nokkurn tímann núna...en ég, Sonja og Eva Þrastar lékum þar menningarvita og fórum með þá fleygu setningu: "Rjúpur, rjúpur eru lífið, ef lífið er rjúpur, hvað eru þá hrafnar". En við gátum allavega hlegið okkur máttlaus af þessu...

Við vorum s.s. 9 þetta árið. Pálmar hef ég nú ekki hitt í 5 ár, miiiikið hefur breyst síðan þá. Pálmar mætti í sínu fínasta pússi, með sólarpúður og gloss, meira málaður heldur en margar af okkur stelpunum. Tilnefnt var fyrir bros árins, stúdent ársins, comeback ársins, no name andlit ársins, habitat ársins, daðrari ársins, FAB 1 ársins, the pianist og the O.C. chick - Getið séð á myndunum hver var hvað.

Svo var maður fylltur af slúðri:

Sesselja enskukennari er víst að mixa með Magga gjaldkera '82 eftir að hafa verið að mixa með Ella húsverði. Afsannar kenningu flestra um að Maggi sé bleikur...hann er M.I.L.F gaur
Biggi skúnkur meig upp við ruslagám hjá Hansen blindfullur og datt svo í eigið hland
Eva tvíburi (Eva og Sif) er komin út úr skápnum og er búin að giftast þýskri konu, þá meina ég eldri konu
Óskar Guðbrands (minn fyrrverandi) er á "probation" í Ameríkunni fyrir að hafa stolið fyrir 14$. Hann lét víst líka greipar sópa í fataskápum Svenna og Tomma áður en hann fór aftur út í janúar.

Við rifjuðum líka upp á gullmola eins og þegar...George kom í skólann í unglingadeild, hann átti Nokia 5110 og við eyddum fleiri, fleiri frímínútum í að horfa á hann í Snake...

Úff...sem betur fer eru páskarnir að verða búnir, ég er búin að komast að því að ég er með búlemíu og minnistap á háu stigi, þ.e.a.s. ég ét og ét en gleymi að æla.

2005-03-23T01:16:00.000+01:00

Afmælisbörnin mín

Katla

Thössan orðin 21. árs...langt á undan okkur hinum!

Katla býr í Danmörku núna og er sennilega að fagna áfanganum á einhverjum suddastað þar sem bjórinn er á 10 kr danskar... En við elskum þig sæta og hugsum til þín!

Siggi snúður!

Siggi er augnakonfekt og frábær vinur! Hann er 22 ára í dag og er stoltur af því... Ef fólk er í vandræðum með gjöf handa kallinum þá vantar hann BÍL en mér finnst hann líka vanta FARTÖLVU þó svo að hann vilji ekki viðurkenna það.

Siggi

er meistari í að sofna í tíma og halda að enginn taki eftir því...
er alltaf með kusk í naflanum og er ekkert feiminn við að plokka það úr þegar maður er að tala við hann...
er alltaf til í að djamma, þó svo að það sé með fólki sem hann þekkir ekki neitt...
...svo býður hann ókunnuga fólkinu í afmælið sitt...
kjaftar alltaf af sér á fylleríi...
misnotar systur sína heima við og borgar henni 500 kall fyrir...
sendir sms all day long örugglega útaf því að honum finnst það gaman...
ER rauðhærður...
á heimsmet í illa súrum bröndörum sem hann skrifar hjá sér í brandarabók sem einhver gaf honum...
kann ekki að meta góðar jólagjafir...:)

Ég hins vegar fór á rúntinn áðan með Þórunni, Sólu og Margréti...ég átti í einhverjum vandræðum með nafnið á Margréti og kallaði hana Magnús..."flogaveikin" eitthvað að segja til sín! Rúnturinn gekk eins og vanalega út á sjoppuleiðangur og slúður, en ég fór alls í 3 sjoppur sem verður að teljast met. Sólrúnu var svo mál að pissa að "það var farið að leka" þannig að ég brunaði með hana heim áður en að það færi í bílinn. Margrét var alltaf að rugla Gumma og Sigga saman, vitum ekki alveg hvað er í gangi þar....

2005-03-14T23:00:00.000+01:00

Það var svooo gaman á árshátíðinni, byrjaði á því að fara í greiðslu sem kostaði btw 4000 kall! Mæli ekki með Hárbeitt ef budget-ið er ekki rúmt...þetta lúkkaði mjög vel en greiðslan hélst því miður bara í ca. klukkutíma. Ég, Þór, Oddrún og Lilja mættum fashionably late heim til Guðrúnar Aspar sem bauð í samsæti heima hjá sér. Þar sturtaði fólk í sig og kjamsaði á snakki, héldum svo af stað niður í Gullhamra þar sem öll herlegheitin voru. Ég fór með Ásthildi í bíl en Lilja og Oddrún með Hönnu sem var víst svo vel drukkin að hún var ekkert að horfa fram fyrir sig....meira svona í spegilinn! Í mat fengum við humarsúpu, nautalundir og súkkulaðiköku með ís sem bragðaðist allt saman ágætlega. Svo var Bingó! Þó svo að ég hafi reddað borðinu mínu þremur bingóspjöldum á mann þá dugði það ekki til...Guðrún var sú eina sem fékk alla rétta en þá voru svo margir með Bingó að hún var send aftur í sætið, svekkjandiiii.

Eftir bingóið voru úrslitin úr Knúti kynnt og eitthvað lið með ræður...þá fór maður á barinn og bjó sig undir 3 tíma dans með Paul Oscar og Millunum! Ég var gjörsamlega búin á því eftir danseríið...ég held í alvörunni að ég hafi ekki dansað svona mikið síðan í Vitanum eða jafnvel á Grunnskólahátíðinni 1998. Ég þurfti að fara tvisvar að skola af skónum mínum...og kæla tásurnar. Oddrún og Lilja fóru í bæinn sem endaði hvoru tveggja illa þannig að ég var fegin að hafa dansað meira með honum Palla mínum Óskari.

Fór heim um fjögur með massívan hjartslátt í tánum og bros alla leið að fæðingarblettinum í hnakkanum á mér!

MYNDIR

2005-03-11T11:34:00.000+01:00

Árshátíð Visku, nemendafélags HR er í kvöld. Ég er búin að worka tannið, í þessu tilviki með Fake Bake, sem var by the way kosið besta fake brúnkan af celebunum í Hollywood, svo að nú mega negrarnir fara að passa sig! Svo er ég búin að panta mér hárgreiðslu, það er eitthvað sem ég hef ekki farið í síðan fyrir ferminguna mína...og dear lord ég ætla ekki að fá sömu greiðslu. En ég á eftir að ákveða í hvaða kjól því að Þór fór að rugla í mér í gærkvöldi...akkúrat þegar ég var búin að ákveða að fara í pæjukjólnum mínum þá fannst honum hinn kjóllinn flottari. Ég fékk að heyra góða kenningu..."hann vill bara að þú farir í þeim sem gerir þig ömmulegri" so true....Hinn er meira svona "siðlegur", ekki það að ég ætli mér að vera ósiðleg í kvöld...en screw him, ég ræð! Bara til að svekkja ákveðna aðila (Heiðdísi) þá er Páll Óskar og millarnir að skemmta fyrir dansi ásamt Ragga Bjarna...nananananana Ég ætla svoleiðis að rífa Palla í mig! En ég fékk nett hláturskast í vikunni þegar ég var að fletta DV. Í miðju blaði var heilsíðugrein um Gerði Steinþórsdóttur okkar heitt elskaða sveitta og andfúla íslenskukennara. En hún var á ferðalagi um Afríku ásamt manninum sínum (á hún mann???) og stendur fyrir einhverri ljósmyndasýningu úr ferðinni í einhverju galleríi...sú hefur fengið nóg af því að kenna! En mér fannst samt leiðinlegt að sjá að af myndunum að dæma þá tók hún ekki fiðrildajakkann með...what's up with that!? Ég ætla að fara að sjæna mig til...

2005-03-04T12:37:00.000+01:00

Það er allt að gerast... Ég var í samningaréttartíma áðan og á föstudögum tökum við alltaf raunhæft verkefni í lokin. En í dag skellti Matti samnókennari Meatloaf í græjurnar og blastaði "Paradise By the Dashboard Light" og fór yfir lögfræðileg álitaefni sem eru í textanum...og leið mér eins ég væri í cheerios-pakka skóla...

En Þór er núna að fara að yfirgefa mig eins og allir aðrir í kringum mig...Hann er að fara í flugvirkjaskóla í Danmörku og er að fara núna í MARS! Öss...hann verður í 2 og 1/2 mánuð og kemur svo heim að vinna í smá tíma og fer aftur út í haust! Þannig að ég verð þokkalega ein á báti, tek bara brillið á skólann eða e-ð...riiiight Svo er það heitasta heitast að Sylvía er búin að beila á skólanum í Englandi og öllu saman, búin að selja íbúðina og bílinn og ætlar að flytja til Tékklands! Alli kærastinn hennar fékk massa atvinnutilboð þannig að hún flýtur með og ætlar að fara að læra tékknesku og dúlla sér e-ð. Hún ætlar svo seinna í sálfræðó...

Svona getur fólk komið manni á óvart!

2005-03-03T14:58:00.000+01:00

Mér til mikillar óánægju þá smókaði ég þessa skoðanakönnun...samt grunar mig nú að sumir hafi tekið "delete cookies" pakkann á þetta. Ég ætla ekki að vera örlagatrúa í þetta skiptið og taka mark á þessu enda kemur hvergi fram HVENÆR þetta á að gerast...svo er Þórunn líka í áhættuhópinum þannig að hver veit nema við stofnum bara mömmuklúbb saman. Það mætti halda að Thelma og Signý væru svona ómömmulegar, ég veit ekki hvað málið er...reyndar sé ég þær hvorugar fyrir mér í mömmuhlutverkinu! Thelma er meira fyrir að passa börn fyrir aðra... En hérna eru niðurstöðurnar, ég gat ekki komið helvítis upprunalegu niðurstöðunum í bloggið svo að ég rifjaði upp TÖL103 og bjó til graf...kalliði mig bara nörd! Sælaaaar!

2005-03-01T00:31:00.000+01:00

Lísa, Signý og Emma í góðum gír í Wellington í Nýja Sjálandi! Mér finnst samt gaurinn fyrir aftan þær langbestur, RÓLEGUR að vera að tékka á þeim og líka með þetta girly-smile framan í sér!!!

2005-02-24T02:21:00.000+01:00

Er að fara í próf í samningarétti á föstudaginn svo að úbergóðir straumar eru vel þegnir...Ég var að hugsa um það áðan hvað það hefur mikil áhrif á mig þegar dagurinn er leiðinlegur. Dagurinn í dag er búinn að vera með afburðum leiðinlegur.

Hlustaði á leiðinlega fyrirlestra í morgun um misneytingu, afbökun á samningi og hluthafa-lán.
Fékk mér súpu í hádeginu sem mér sveið í hálsinn af, enda voru einhverjar hvítar flygsur í henni.
Lærði til hálfátta og fékk þá hamborgara sem pabbi eldaði. En pabbi vill hafa hamborgarann "rare" svo að ég þurfti að elda minn aftur eftir að ég var búin að bíta fyrsta bitann.
Horfði á fólk með Sirrý og varð pirruð á því hversu tilgerðarleg sú sjónvarpskona er.
Leitaði að mic-inum mínum út í skúr til að geta spjallað á skype og fann hann ekki en rak tánna í þröskuldinn í staðinn og fékk hroll af sársauka...er ennþá með hjartslátt í´enni

Þegar ég fór að velta mér upp úr þessu öllu saman þá fór ég líka að velta mér upp úr því að dagurinn hefði geta verið miklu verri. Þegar ég á slæman dag þá reyni ég að hugsa um hversu gott ég hef það miðað við að ég gæti til dæmis verið síamstvíburi og bróðir minn, sem gæti verið áfastur við öxlina á mér, gæti verið hommi. En ég gæti það ekki. Kærastinn hans gæti gist hjá okkur í nótt og við gætum verið með eitt rassgat....

Ég hef tekið gleði mína á ný...

Um helgina ætla ég að:

sofa

borða góðan mat

horfa á allar simpsons seríurnar

fara í göngutúr og horfa á stjörnurnar og norðurljósin

kveikja ekki í augabrúnum og augnhárum

fara í heitapottinn með baðbombu

vinna Þór í skítakalli

sötra

upp í bústað með Þór

Setti inn myndir af "litlu" frænku minni, Oddnýju Perlu, 5 mánaða skvísu sem slegið hefur öll þyngdar- og fellingarmet. En hún vegur 9 kíló og fellingarnar eru óteljandi.

2005-02-18T18:07:00.000+01:00

Mig dreymdi furðulegan draum í nótt. Mig dreymdi að það hefði vaxið fótur út úr rófubeininu á mér þannig að ég gat setið hallandi aftur á bak eins og í útilegustól. Ég sat í grasinu úti í garði og var massívt að spá í hvernig ég ætti eiginlega að segja Thelmu frá þessu því hún ætlaði að kaupa skó fyrir mig í NY... Ég var að fá myndavél maður...ansi svöl

2005-02-11T11:44:00.000+01:00

The mysterious sound

Undanfarnar nætur höfum við heyrt undarlegt píp. Í fyrstu var ég viss um að þetta var ofnklukkan svo að ég sparkaði Þór út úr rúminu, eeen kenning mín reyndist ekki rétt... Þór sannfærði mig um að þetta væri bara einhver vinnulyfta niðri á höfn sem að væri að pípa. Ókei Þór. Á fimmtudagskvöldinu var ég farin að hallast að því að þetta væri þjófavarnakerfið hjá nágrannanum...shit hvað þetta var pirrandi píp, pípaði í takt við tikkið í vekjaraklukkunni!

Svo að ég fór á fjórar og hlustaði eftir hljóðinu...ókei það kom ekki að utan...var ekki fyrir utan herbergið...Var eins og það kæmi innan úr fataskápnum, ég opnaði skápinn og reyndi að átta mig á því hvað væri eiginlega í gangi...bíddu, bíddu þetta var ekki inni í skápnum. Ég var að verða geðveik á þessu helvíti, hvaðan kemur þetta helv..hljóð! bíp, bípípíríp...

...ég heyrði að þetta kom neðan af gólfinu, ég hlustaði eftir parketinu og viti menn þetta var fjöltengið hjá sjónvarpinu. Svona fjöltengi með ljósi, úr þessu helvíti kom ógeðslegt píp...en það hætti þegar ég slökkti á því, mikið var ég fegin að geta loksins farið að sofa...zzz

2005-02-07T13:43:00.000+01:00

Heiðdís & Hjördís

Uppáhaldsstelpurnar mínar eru að fara til Frakklands... Núna eru bara fjórar thössur eftir og munaði litlu að Sólrún hefði líka yfirgefið okkur... Hafið það rosalega gott úti elskurnar og góða ferð! Ég elska ykkur...

2005-02-06T15:33:00.000+01:00

Gamla víðó crewið hittist heima hjá mér yfir Idolinu. Allir komu með eitthvað sem reyndist svo allt vera súkkulaði. Fagnaðarlæti brutust út þegar Brynja var kosinn úr keppninni og við tókum olei, olei, olei, olei dansinn um allt hús...eða ekki. Tókum svo spjallið á þetta og rifjuðum upp gamlar stundir. Hjördís og Þórunn komu svo eftir á og þá blöstuðum við græjurnar með góða playlistanum mínum. Siggi kom svo eftir miklar samningaviðræður og joinaði stelpupartýið við mikinn fögnuð viðstaddra. Fórum í bæinn um þrjúleytið og lenti ég í miklu ævintýri við jakkageymarann á Sólon þar sem að ég borgaði honum þúsund kall til að fá bjór+skot+geymslu á jökkunum. Ég tók alla jakkana og lét geyma þá fyrir okkur, fór svo til hans til að fá bjórinn og skotið en þá kannaðist hann ekkert við að ég hefði látið hann fá pening...hmmm heppilegt. Þannig að ég var að ræða við hann eitthvað og þá kemur einhver égeryfirallahafin gella og blandar sér í málið. Hún var bara með kjaft við mig og kallaði mig öllum illum nöfnum. Geymslugaurinn mundi þá allt í einu eftir peningnum og sagði það við stelpuna. En hún var ekki að gefa sig og hélt áfram að hrauna yfir mig, þannig að ég sagði við hana að mig langaði mest að kýla hana. Þá náði hún í dyravörð og ég sagði honum alla sólarsöguna, svo talaði hann við gaurinn í geymslunni og hann sagði að ég hefði látið hann fá pening. Svo að ég fékk 800 kall tilbaka og sagði við gelluna að þetta væri í síðasta skipti sem ég kæmi hér inn...Sólon sökkar Fórum þá á kofann sem að stendur alltaf fyrir sínu, tjúttuðum þar í dágóðan tíma og Þórunn fékk sér geðveikan kokteil...mmhmm En hvað er málið með þennan DJ??? Maður biður hann um óskalag og hann var alveg: "ekki málið, Snoop coming up" og svo gerist ekkert!!! Hate him... Ég skemmti mér eins og fyrri daginn afar vel, setti inn myndir sem að segja allt sem segja þarf!

2005-02-04T15:54:00.000+01:00

2005-02-01T17:27:00.000+01:00

Ég keypti fuglafóður í Bónus og setti út í garðinn. Eftir það fór ég út að hlaupa með hundinn minn...

...Ég er dýravinur

P.s. nenniði að hætta að kjósa mig í könnuninni, ég er örlagatrúa...

2005-01-31T23:07:00.000+01:00

Við thössurnar héldum í langferð á föstudaginn í sumarbústað í Húsafelli. Ég, Heiðdís, Íris og Erling fórum á jeppanum og Margrét, Hjördís og Þórunn skoda silakeppir pössuðu sig á því að vera alltaf 2 km fyrir aftan... Stoppuðum á mótel Venus, fengum okkur pitsu og horfðum á Idolið. Erling leið eins og player með sex í takinu á þessum líka slísí framhjáhaldsstað. Fórum svo á Hyrnuna og keyptum smá munch og ég fann mér djammbol sem tjáði algerlega skoðun mína...

Vorum komin í bústaðinn um miðnætti eftir þras við leigjandann þar sem að við áttum að sækja lykilinn fyrir 22 en Heiðdís er smoothtalker...

Massívur bústaður...
Komum með tvo kassa af LITE
Greinilegt að Erling beið eftir að við yrðum fullar og færum í heitapottinn því það fyrsta sem hann gerði var að fara í stuttbuxur
Heiðdís og Hjördís hleyptu engum að í Singstar, Margréti til mikillar gremju
Margrét spilaði "drop it like its hot" hundrað sinnum og Heiðdís gerði bootie shakin'
Kalla reyndi við Tetris-dansinn en rússahúfan var ekki nóg...
Þórunn reyndi að fá mig til að selja rússahúfuna því hún hafði aldrei séð svona í gráu
Íris og Margrét sofnuðu....
Ég, Heiðdís, Þórunn, Hjördís og Erling fórum í heita pottinn
Heiðdís hrundi í stiganum og flakaði á sér hælinn, greip handklæðið mitt og þurrkaði blóðið með því, takk elskan:)
Ég, Hjöra og Elli fórum á trúnó í pottinum til hálftíu...

Ég og Íris keyrðum svo bæinn seinnipartinn. Stoppuðum í Reykholti til að taka olíu, greinilegt að stressið er ekki að angra þessa sveitunga þar sem að ég var 20 mín að fá eina nótu útúr kallinum, en honum er fyrirgefið, hann þurfti auðvitað að vita hvernig afköstin væru á Litla-Kroppi.

Ég setti inn myndirnar mínar úr ferðinni, vænti svo mynda frá Heiðdísi og Margréti...:)

2005-01-24T21:56:00.000+01:00

Fór í "massíva" óvissuvísindaferð á föstudaginn. Gróusögurnar voru komnar á kreik um að ferðinni væri jafnvel heiti á IDOLIÐ í Smáralindinni...en allt kom fyrir ekki. Fórum í rútu frá HR út á Seltjarnarnes, liðinu var hent út úr rútunni og allir fengu eplastaup. Fórum aftur upp í rútuna og héldum ferðinni áfram, endastöðin nálgaðist...mér og öllum öðrum til vonbrigða var "óvissan" mikla ferð á PRAVDA! Vúhú...þar horfðum við á Idolið og fórum í drykkjukeppni á milli deilda, sem var reyndar mjög gaman. Ég fór í fyrrikantinum heim þar sem að afmæli Lindu var á laugardaginn og planið að taka á því þann daginn. Fékk 2. stigs bruna á öxlina þar sem að ég var að rembast við að krulla á mér hárið, sem tókst svo að lokum með hjálp Sissu. En þema afmælisins var Glamúr svo að ég keypti mér gerviaugnhár, krullaði á mér hárið og skreytti mig með blingbling. Enduðum í bænum eftir afmælið og þræddum helstu staðina. Settumst inn á Ara og sungum með trúbba, ég dottaði aðeins og svo þegar stelpurnar hnipptu í mig og spurðu mig hvort að ég væri sofandi þá stóð ég upp og söng "stál og hnífur er merki mitt...". Ég var samt endurnærð eftir kríuna á Ara og húkkaði far með e-um gaur sem var greinilega nýkominn með bílpróf því hann drap tvisvar sinnum á bílnum NIÐUR Laugaveginn, hann skutlaði okkur á Nonna og ég fékk einn besta bát í heimi... Fínt djamm, lærði ekkert, samviskan að drepa mig....

2005-01-19T20:05:00.000+01:00

Nú er komin endanleg staðfesting á því að dr. Hannibal (fiskurinn) er ódauðlegur! Ég setti hann í poka til að fara með hann til Þórunnar, þar sem hún er tilvonandi fósturmóðir, svo var enginn heima hjá henni til að taka á móti honum svo að ég neyddist til að taka hann með mér í bíó... Ég var svo hrædd um að fishy myndi frjósa svo að ég setti miðstöðina í botn á leiðinni í Álfabakkann, Þór var alveg sama ef hann myndi frjósa í hel...hmmm skrítið! Eftir tveggja og hálfs tíma mynd hljóp ég út í bíl og náði í pokann af gólfinu þar sem að Þór leyfði honum ekki að vera í sætinu! Fiskurinn hreyfði sig ekki í vatninu, ég hélt að hann væri dauður, enda var vatnið örugglega 5-6°C, fyrir þá sem ekki vita eiga fiskar að vera í 20°c heitu vatni! Ég tók first aid á þetta og setti pokann á milli læranna á mér og reyndi að kreista út sem mestan hita til að afþýða greyið. Þegar við komum í Hfj. lá fiskurinn akkúrat í klofinu á mér, Þór kom með þá stórgóðu kenningu að það væri vegna þess að mesti hitinn væri þar...ég vissi ekki að fiskar væru að spá í svona lagað eeen...Ég hljóp inn til mín með fiskinn, náði aftur í salatskálina, hellti honum ofan í...og viti menn! HANN VAR BARA SPRÆKUR EINS OG LÆKUR! Synti útum allt voða hress og kátur yfir því að vera komin heim. Ég er viss um að þetta er heimsmet í ódauðleika, allavega Evrópumet! Ég er komin með nýja myndasíðu, albúmin eru ekki í réttri tímaröð en ég er að vinna í þessu. Allavega check it out!

2005-01-17T01:56:00.000+01:00

Bíddu erum við að tala um sama annoying gaurinn eða??

Eða er þetta kannski bara aðvörun...

Note to self: FORÐAST DÖKKHÆRÐA STRÁKA MEÐ BREIÐAR AUGABRÚNIR OG KRINGLÓTT GLERAUGU! Once you talk to them you're stuck with them...

2005-01-14T15:26:00.000+01:00

Er þetta nútímakonan???

ring ring...

X: Hæææ

Kalla: Hæ X, hvað er að frétta?

X: Æi, ekkert svosem

Kalla: Jæja engar fréttir eru góðar fréttir...

X: Æi, mamma bað mig um að taka út saltfisk klukkan 5, ég leitaði í frystikistunni og fann einhvern fisk en var ekki viss hvort að það hann væri saltaður eða ekki, þá sá ég saltkjöt og hélt þá að mamma hefði verið að meina það...Þannig að ég setti saltkjötið í pott og setti á hæsta styrk og fór svo að horfa á sjónvarpið, svona rúmum hálftíma seinna heyrði ég einhver læti. Ég stóð upp og fór inn í eldhús og þá var allt á bullandi suðu og vatn komið út um ALLT...

Kalla: Ertu ekki að grínast í mér X!!! Settirðu frosið saltkjöt á hæstu suðu klukkan 5 en áttir í raun að TAKA ÚT saltfisk! Heldurðu virkilega að mamma þín myndi láta þig elda saltfisk (eða saltkjöt í þessu tilviki) klukkan 5. Auðvitað áttirðu að taka saltfiskinn út og afþýða hann, svo að hún gæti eldað hann í kvöldmat!

X: Já æi ég bara kann ekkert svona...

Kalla: Er það þá bara Dominos eða?

X: Já, ég vona það, saltkjötið er soðið á sumum stöðum en frosið á öðrum þannig að ég held að það sé ekki ætt...ég næ samt ekki í símann hennar mömmu...

2005-01-12T18:06:00.000+01:00

F.R.I.E.N.D.S. unnu keppnina með miklum yfirburðum, fengu 8 atkvæði af 23. Enda eru þessir þættir partur af lífi mínu og munu alltaf vera. Fóstbræður komu haltrandi eftir með 5 atkvæði sem er samt ekki svo slæmt þar sem að þeir eru einu íslensku gamanþættirnir í könnuninni. Svo komu silakeppirnir The Simpsons í þriðja sæti með 4 atkvæði, ég er reyndar mikill simpsons aðdáandi, er að safna seríunum á dvd og panta þá af www.amazon.com . Keypti mér fiska í gær, samtals þrjá. Slæðusporða. Átti einu sinni fjóra fiska í krukku, sverðdragara, einn þeirra var andsetinn og át hina þrjá, meira að segja konuna sína. Þá átti ég bara einn eftir í krukku og ég reyndi að svelta hann, Þór lagði mikið hatur á hann og setti því eina parkódín út í krukkuna, ég hætti að þrífa búrið hans...allt kom fyrir ekki, helvítis Hannibal drapst ekki. Þanniiiig að ég ákvað að dissa fiskinn bara feitt og kaupa mér nýja. Setti skrattafiskinn í salatskál og nýju fiskana í krukkuna. Ég hafði hugsað mér að leyfa honum bara að gossa í lettið en þá kom Þór heim. Fyrsta sem hann sagði var: "Where is Hannibal the cannibal?" Ég sagði honum my masterplan og ekki var hann hrifinn. Ég var alveg hvað meinarðu þú hatar þennan fisk...nei þá fannst honum hann svo mikill harðnaglafishy því að hann er búinn að lifa af lyfjanotkun, sult og skít. Ég er samt ennþá á því að gefa honum golden shower og sturta svo niður. Þetta er mikið þrætuepli hjá okkur hjónum...hvað skal gera, fishy getur ekki verið með Slæðusporðunum mínum því að hann étur þá og ekki getur hann verið í salatskálinni forever því mamma er ekkert allt of hress með það...

Fiskur fæst gefins gegn því að vera sóttur

FYRSTUR KEMUR FYRSTUR FÆR!

2005-01-10T14:32:00.000+01:00

Fór í dýrindis matarboð til bachelorsins Sigga...hann var með þrírétta gourmet máltíð handa mér, Þór, Daníel, Gunnsa og Kristnýju. Hjördís kom svo eftir matinn og tók THÖSSAN 2004 ein og sturtaði í sig heilli kippu af bjór á max 45 mín...hún vann. Við fórum svo saman niður í bæ á Gaukinn þar sem Signý, Emma og Lísa voru með kveðjupartý, hittum Ívar og drógum hann með okkur. Partýið var eiginlega búið þegar við komum og staðurinn pakkaður af fólki fætt '88-'89, strákarnir vildu ólmir vera en ég var ekki alvega að meika það svo að við fórum út, kipptum Signýju partýgeit með og röltum upp á Ara í Ögri. Hjördís og Ívar hittu einhvern gaur sem var að útdeila Nikita límmiðum svo að þau urðu team Nikita og sungu "something in a bucket", sem var leikur sem virkaði þannig að þau skiptust á að nefna eitthvað in að bucket sem var fyndið í svona 3 mínútur en svo voru þau bara orðin pirrandi... Röltum svo aftur niður á Gaukinn þar sem það var pakkað á Ara og hittum þá Gunnsa sem var HAMMERED, hann var með einhvern bólufelara í annarri sem hann notaði sem varalit btw, þannig að varirnar á honum voru samlitar andlitinu...niceee... Ég og Hjöra hittum Eyþór sæta costagaur hann var með tvær frunsur annars hefði Hjördís örugglega smellt á hann einum blautum....hann þekkti Hjördísi og sagði svo við mig: "hey þú ert stelpan sem fílaðir Metallica, þú ert svo nett maður"...halló ég hef nafn sko!!! Fórum á café Victor (hvað var það???) og tókum dansidúkkuna með miklum stæl, Siggi sýndi okkur "fax-machine" og "crazy taxi driver" en hann var svo taktlaus að við skúbbuðum honum út úr hringnum og gerðum þetta our style. Þarna var hinn aldurshópurinn af fólki s.s. '68-'69, Þór lenti í einni á barnum sem var 160 cm á alla kanta, ég hef aldrei hlegið eins mikið á ævinni, Daníel sagði samt: "ef þetta væri falleg stelpa sem væri stærri en þú og með stór brjóst þá værirðu ekki að hlæja", þá varð ég kjaftstopp... Svo á dansgólfinu var Þór að taka "move-ið" við My Sharona og var með þvílík spor, svo fann hann að það var einhver að dansa bak í bak við hann svo að hann setti rassinn fram og hristi hann af sinni alkunnu snilld, dansfélaginn hans var alveg að missa það...svo sneri hann sér við og dansfélaginn um leið, þá var þetta tjélling sem var svona 45-50 ára! Hann hélt að þetta hefði verið ég....veit ekki hversu charming það er en... Ég, Signý og Þór röltum svo í taxaröðina og skildum Hjördísi eftir með Ívari, Daníel og Sigga...ég hef ekkert heyrt í henni, vona að hún hafi fyrirgefið mér það... Biðum í svona 40 mínútur í 10°c frosti eftir leigubílnum, ég borgaði leigubílinn heim til mín ca. 2500 kall og svo borgaði Signý heiman frá mér og til sín 150 kall...held að hún hafi nú eitthvað verið að sjúga og sleikja á leiðinni heim... Þetta var sem endranær brjálað djamm og massívt skemmtilegt, tékkið á myndunum hér en þær eru í boði Signýjar:)

2005-01-05T02:06:00.000+01:00

Hvers kyns ert þú?

2005-01-04T21:27:00.000+01:00

Ég vaknaði við það í morgun að Þór tók púls á hálsinum á mér og lagði svo höndina á brjóstið á mér til að athuga hvort ég væri á lífi.... Ég lá gjörsamlega hreyfingarlaus og leit greinilega út fyrir að vera dáin í rúminu, ég var semsagt ekkert að rumska við vekjaraklukkuna. Þór dreymdi að... ...hann var að æfa glímu, skyndilega fékk hann það snjallræði í hug að það væri líklega best að vera punglaus í svona íþrótt ef hann ætlaði sér að ná eitthvað langt. Þannig að hann náði í skæri inni á baði og klippti punginn af. Eftir smá stund áttaði hann sig á því að punglaus gæti hann aldrei átt börn....með tárin í augunum hljóp Þór inn á bað, náði í punginn og setti hann inn í frysti. Ég man hinsvegar ekkert hvað mig dreymdi... hvað dreymdi þig?

2004-12-30T13:37:00.000+01:00

Jólin voru fín í ár...ég fékk ég fuullt af pökkum, fékk reyndar líka skrítið sms á Þorláksmessu

Á viking er eitthvað sem gleður bæði augu þín og jafnvel eyru

Vá hvað ég var ekki að fatta þetta, viking bjór, víkingur...er eitthvað meira? Þannig að ég hélt að þetta væri bara e-ð rugl í vitlaust númer.

Á aðfangadag fór ég svo til Margrétar með pakka:

Kalla: Hæææ, gleðileg jól frá secret santa!!!

Margrét: Æiiiii takk! Ertu búin að fá pakkann þinn?

Kalla: Nei, ég veit ekki hver er jólinn minn? Hvern ert þú með?

Margrét: ...þig...hann er sko bakvið hús hjá þér...

Kalla: Haaaa....bakvið hús!?! Margrét, það er SLAGVEÐUR úti!

Margrét: Já æiii....sko ofan á fellihýsinu hjá þér...sko VIKING fellihýsinu ykkar.

Kalla: Margrééééééét!!! þú ert ótrúleg!

Margrét: já ég ætlaði sko að senda fleiri sms, en svo hafði ég ekki tíma...

Kalla: ókeiiii Mags, skemmtu þér í sveitinni, ég er farin að bjarga pakkanum!

Neyddist til að fara í messu með mömmu og pabba. Sat á hörðum kirkjubekknum með krosslagðar lappir og sofnaði, vaknaði svo með andfælum þegar sálmabókin sem ég hélt á datt í gólfið og akkúrat á því augnabliki þar sem kórinn var nýhættur að syngja svo að allir sneru sér við...great!

En ég fékk fullt af fínum gjöfum, meira að segja einn alla leiðina frá NYC! Thelma þú ert æði skæði, geeeeðveikur bolur! Fór í honum í jólaboð hjá fjölskyldunni hans Þórs og kellingarnar fengu alveg í hana þegar þær sáu hann, svo að ég lék bara fancy pants og sagði að hann væri nýlentur frá New York...heheheh!

Svo var stefnan tekin á djamm á annan í jólum. Planið var að hittast heima hjá Sigfried og drekka og fara svo á Diskókvöld Margeirs. Siggi hafði samband og langaði að gera e-ð svo að hann beit á jaxlinn og kom í þvílíkt stelpu"partý" hjá Signýju. Ég, Signý, Siggi, Ýr, Lísa og Emma fórum svo niður í bæ, einhver sagði að það væri drepleiðinlegt á diskókvöldinu svo að við fórum á Prikið. Þar var ógeðslega crowded og ég og Signý festumst uppi á annari hæð í miðjum slagsmálum. Svo að ég tók Kölluna á þetta og öskraði: "hún er flogaveik, hleypið okkur niður!!!" Og viti menn fólk vék fyrir okkur svo að við komumst niður heilar á húfi. Ég, Siggi og Signý fórum þá á Hlölla og röltum svo hjá KB banka því það var snjóbylur úti. Allt í einu opnaðist hurðin inn í anddyri bankans, samt var enginn hraðbanki þarna inni. Svo að við fórum inn að hlýja okkur og átum bátana. Svo kom restin af stelpunum ásamt Oddi kærasta Ýrar og við fórum að dansa í kringum jólatré sem var þarna inni. Fólk sem rölti framhjá og sá okkur kom inn og bættist í hringinn, undir lokin vorum við rúmlega tuttugu og dönsuðum og sungum öll heimsins jólalög, góða slagara eins og: Adam átti syni sjö, Gekk ég yfir sjó og land og höfuð, herðar, hné og tær. Þetta var algjört snilldarkvöld og toppurinn á jólunum!

Myndir hér

2004-12-20T20:21:00.000+01:00

Er í hárgreiðslu hjá 2 ára frænku minni...svolítið vont að láta greiða sér með pínulitlum plasthárbursta, en hvað gerir maður ekki fyrir þessa elsku! Mér miðar hægt áfram með að klára að kaupa þessar jólagjafir...ég veit ekkert hvað ég á að kaupa og svo er ég og Signý búnar að snúa sólarhringnum við þannig að við erum í chilli fram eftir nóttu svo að dagurinn fer í aaaalgjört rugl... Á mánudaginn var tekið þvílíkt djamm vegna prófloka. Byrjuðum á góðum mat á Ruby, fórum svo í "einkasamkvæmi Gunna" þar sem að Gunni bauð engum nema úrvalsliði. Kobbi og Kristný voru farin vestur svo að það var tjúttað þar til að þakið rifnaði af risinu! Fórum svo í sal siglingarfélagsins Brokey og þar var dansidúkkan svo sannarlega tekin. Fór heim um 3 sátt og búin að gleyma prófunum... Man samt ekki hvort að Gunni tók bílstjóradansinn og gluggaþvottamanninn, man það einhver? Ég allavega komst heim en var með óútskýranlegan marblett á lærinu sem er 10 cm á alla kanta??? Var svo bara þunn og ógeðsleg daginn eftir og man svo næst eftir mér í útskrift hjá Margréti LOKSINS! Hún stóð sig eins og hetja og spilaði á harmoniku í athöfninni og í veislunni sinni, við erum svo stoltar af henni! Hún var með fína fína veislu, ég var reyndar veik og fór heim en restin af löfsunum tékkuðu púlsinn á djamminu í bænum. Hver vill djammaaaa með mér um jólin? 3 vikur þar til Signý fer í reisu til Thailands, Nýja-Sjálands og Möltu 6 vikur þar til Heiðdís, Sólrún og Hjördís fara til Montpellier í Frakklandi í skóla 8 og 1/2 mánuður þangað til Thelma kemur heim frá NY .........................................Bjarney kemur heim á morgun frá Aachen!

2004-12-11T18:19:00.000+01:00

Nýjasta skúbbið er að Sunna og Unnar eru trúlofuð!

Sagan segir að Unnar hafi keypt hringana og hafi ætlað að biðja Sunnu um jólin, en gat svo ekki beðið og fór á hnén á fimmtudaginn. Efast ekki um að erfitt hafi verið að neita þessu kostaboði! En saman eiga þau litla stelpu, Völu Marie sem er að verða eins árs. Til hamingju krúttarar!

2004-12-10T13:27:00.000+01:00

Kalt vetrarkvöld, bíll spólar í götunni, uppi í rúmi ligg ég og horfi á the Bachelorette með dauðan mann mér við hlið. Ég heyri kallað: "Kalla" , ég reisi mig upp og finn hvernig hjarta mitt slær hraðar. "Var einhver að kalla, eða hef ég endanlega lesið yfir mig" hugsa ég með sjálfri mér. Mér fannst ég heyra ofheyrnir. Ég steig fram úr rúminu og kíkti í gegnum rimla gluggans, eins og fangi í eigin prísund. Sé ég hvar skuggaverur tvær sitja í bíl og hlæja, ég vinkaði en þær tóku ekki eftir mér. Ég sé að bílstjórinn setur í fyrsta gír og tekur af stað, ég ákvað að spretta úr spori og reyna að ná þeim. Ég sá hvar náttfötin mín lágu á stólnum líkt og ég skildi við þau. Ég teygði mig í náttbuxurnar en tók í misgripum nátttreyjuna en áttaði mig ekki á því fyrr en ég var með annan fótinn fastann í erminni. Ég reif mig lausa og tókst í annarri tilraun að koma mér í buxur. Ég hljóp eftir svefnherbergis ganginum, gegnum stofuna og út um útidyrahurðina á meðan ég losaði góminn úr mér. "Það tókst" planið mitt heppnaðist, ég náði bílnum áður en hann keyrði fyrir hornið á húsinu mínu. Ég sá hvar verurnar pírðu báðar augun þegar ég baðaði út höndunum eins og óður maður, hljóp berfætt út á gangstétt í blautan snjóinn. Ég sá hvar þær nálguðust mig óðfluga. Þegar ég sá hver var undir stýri óttaðist ég um bílana sem voru lagður í innkeyrslunni. Út úr bílnum stigu Margrét og Þórunn samanherptar af hlátri. Eftir mikil hlátrasköll vegna misheppnaðrar leyniferðar héldu þær heim á leið og ég aftur undir sæng og reyndi að fá líf í fjólubláar tærnar.

2004-12-08T17:59:00.000+01:00

Hver er sætust í Nylon? Alma - ljóshærð með risa glasabotnaaugu Steinunn - rekur loftkastalann með kærastanum sínum Klara - útaf því hún býr í götunni minni og er alveg eins og Þórunn Emilía - hún er fín stelpa

2004-12-07T15:08:00.000+01:00

Það er ekkert smá fyndið að borða með eyrnatappa, hvað þá að drekka gos með...

2004-12-07T11:16:00.000+01:00

Ég hef tekið mig saman í andlitinu...ég ætla að blogga... Helgin var fín en byrjaði engan veginn vel. Ég tók prófaMargréti á þetta...ég var búin að vera að læra undir próf í stjórnskipunarrétti alla vikuna. Ég ákvað að vakna kl: 8 á föstudaginn og renna yfir hæstaréttardómana svo að þeir væru í fersku minni í prófinu (en ég þarf að rökstyðja mál mitt í prófum með því að vitna í dóma..). Ég stilli klukkuna mína, hún beilaði algjörlega á mér svo að ég vaknaði kl: 11:15!!!! Ég fékk nett stresskast, átti eftir að fara í sturtu og allt svo að ég byrjaði á því, renndi svo yfir dómana í hasti og át á handahlaupum og brunaði upp í skóla því prófið byrjaði kl: 13, sem þýddi það að ég var massívt úldin í prófinu, mundi enga dóma og var ennþá með 100 í púls...svo að ég er ekki með góða tilfinningu fyrir þessu prófi allavega. Kvöldið var mun betra, ég fór til Signýjar og við rifjuðum upp gamlar en misgóðar minningar af gelgjunni...hver man ekki eftir mér með stutt, svart hár, Margréti með kisugleraugu og teina, Signýju í körfuboltaskóm og með svitaband en samt ekki á æfingu...æi þetta voru góðir tímar:)´ Á laugardagskvöldið fór ég, Signý og Heiðdís í "singstarpartý" heima hjá Fríðu í Val. Þar voru Pála og Svava og önnur Fríða. Fórum á Ara í Ögri þar sem við sungum og sungum með Jóa Prestley og Kjartani sem voru trúbadorar, svo kom Þórunn sæta og svo kom Margrét sætasta sem skutlaði okkur heim. Ég grætti strák sem var að reyna við Signýju og fékk geðveikan kokteil sem heitir dj. on the dick...ég ætla ekki einu sinni að tala um það hvað mér leið illa á sunnudaginn. hér eru myndirnar Skrifaði fullt af jólakortum í gær til útlanda, m.a. til ódauðlegra aðdáanda sem ég á í Piedmont í San Fransisco.... Árið 1996 lagði ég land undir fót ásamt kór Öldutúnsskóla í kórakeppni sem haldin var í SF. Eftir fyrstu keppnina kemur heil fjölskylda upp að mér og dásömuðu mig í bak og fyrir og sögðu að ég syngi svo vel...(yeah right, 30 manna kór á sviði og þau heyra í mér). Allavega þá vildu þau endilega fá eiginhandaráritun á miðann sinn (ég er 12 ára þarna) heimtuðu adressuna mína og vildu að ég yrði pennavinkona Polly, sem var dóttirin. Ég bara jájá...gaf þeim adressuna mína. Í átta ár hef ég fengið jólakort með mynd af fjölskyldunni og heila A4 blaðsíðu um það sem þau höfðu afrekað um árið...Ég hef aldrei skrifað þeim neitt, en ákvað af einhverjum ástæðum að gera það í ár, svo að það er eins gott að þau sendi mér pakka eða e-ð í staðinn.....iiiii glæts

2004-11-27T15:07:00.000+01:00

Ég setti inn myndir frá gærkveldinu mínu með Signýju sem hófst sakleysislega á kaffihúsi en endaði í massa giggi upp í æfingarhúsnæði PUNKS.

Kalla Hetfield

2004-11-26T19:35:00.000+01:00

öööghh...ég hugsa að ég ættleiði bara...*hrollur*

2004-11-25T17:58:00.000+01:00

Ég fór á Pizza Hut áðan með lærdómsmellunum mínum sem er ekki frá sögu færandi nema hvað að það er komin nýjung á Pizza Hut staðina. Nú getur maður fengið pulsu í kantinn á pizzunni sinni...hvað er með það. uu...já ég ætla að fá pizzu hjá þér með pepperóní og sveppum...ooog já hafðu pulsu í kantinum á henni! Ég lagði nú ekki í pulluna og hélt mig bara við klassíkina... Later dudes, Kalla pullupetsa

2004-11-20T22:59:00.000+01:00

Babysitter-club night Er að passa hjá Magga bróðir, Hilmar liggur eins og skotinn upp í rúmi með KK bandið í "my first sony" græjunni. Hanna Fjóla er veik og getur ekki sofið svo að hún liggur hjá mér upp í sófa og horfir og jólin með Teletubbies svo að þar fór sjónvarpsgláp kvöldsins... En það er alveg þess virði að hafa hana hérna að kúra hjá mér. Þau systkinin fóru í myndatöku um daginn, ég er viss um að þau eru laaaangsætust í öllum heiminum. Á morgun verður svo nýjasti fjölskyldumeðlimurinn skírð og vonum við náttúrulega öll að hún verði í höfuðið á mér.... En allavega Teletubbies voru að klárast og ég var að smella Aladdín í...þið vitið hvað það þýðir!

2004-11-17T13:12:00.000+01:00

Ég setti inn quiz um mig, hún er staðsett undir gestabókinni...íha Þetta er eitthvað sem að sannir vinir og fjölskyldumeðlimir eiga að vita svo að ekki vera feimin við að svara lömbin mín... ...og takiði svo þátt í skoðanakönnuninni neðst...:)

2004-11-15T18:03:00.000+01:00

Ég er endurnærð eftir góða "étasofalesahorfaásjónvarpið" helgi...mmm Ég fór með Tótaling upp í sumó um helgina til þess að hlaða batteríin fyrir komandi prófatörn. Það fyrsta sem ég gerði þegar ég var komin upp í bústað var að fá kvef og illt lungun, týpískt! Svo að Kalla var snorkandi alla helgina. Þór hins vegar sýndi í sér karlmannseðlið og fór út í skóg til að höggva eldivið (með sög). Hann tæmdi skottið á Hyundai-inum og ætlaði að fylla það af trjábútum. Ég nennti ekki með honum og hélt áfram að sofa. Ég vaknaði svo við hann þar sem hann var að saga úti á palli...þá hafði hann ekki fundið neinn eldivið í Grímsnesinu, þeir sem þangað hafa komið vita mætavel að þar er allt skógi vaxið..eeehehe... En Tóti Terminator dó ekki ráðalaus og stal afgangs timbri frá næsta sumarbústaðareiganda og sagaði það niður í öreindir til þess að brenna það í kamínunni. Ég nennti nú ekki að taka þátt í þessum Bubba Byggir leik hans og hélt áfram að sofa...ég vaknaði svo við það að hálsinn á mér var allur að brenna að innan og mér sveið í augun! Helvítis timbrið var lakkað og fylltist sumarbústaðurinn af eiturgufum. Þór var bara einhversstaðar "back in Arizona" (eins og hann orðaði sjálfur svo vel um árið), með kúrekahattinn og sögina og var ekkert að spá í að ég var að deyja hægum og kvalafullum dauða inni í stofu... Þetta var súper huggó ferð og elduðum við royal gourmet mat á la kalla&þór. Reyndar fór heita vatnið af seinnipart sunnudagsins sem var mjög skrítið en svo þegar rafmagnið fór líka þá stóð mér ekki á sama. Ég fór að búa mig undir að SWAT gaurar með nætursjónauka myndu síga niður af húsþakinu og brjóta sér leið inn um gluggana. Ég sá að Þór hugsaði það sama þar sem að brjálæðis kung-fu glampinn í augunum hans fór hvergi fram hjá mér, ég tók beltið af mér og bjó mig undir átök...þá hringdi afi gamli og sagði okkur að dælustöðin væri biluð uppí fjalli og það væri verið að gera við hana í þessum töluðu....

2004-11-10T13:18:00.000+01:00

Jólagjöfin í ár er pottþétt Gittubrúðan.. Það blundar í mér jólafílingur, þó svo að helvíti sjálft sé framundan, aðeins 2 vikur í próf...öghh

2004-11-05T13:06:00.000+01:00

Ég held að það sé kominn time á að birta niðurstöðurnar úr skoðunarkönnuninni um gælunafn á dýrið. Niðurstöðurnar voru sjokkerandi... Gælunafn ?? Kalla 6 atkvæði Lak 5 atkvæði Lína 1 atkvæði Charlie 3 atkvæði Karó 4 atkvæði Caroliiiine 5 atkvæði

24 atkvæði samtals Það munaði litlu að ég þyrfti að kyngja því súra að verða kölluð Lak það sem eftir er, eða vera "the reason for the word bitch" en einhver dýrindis öðlingur reddaði því á síðustu stundu. Semsagt Lak og Caroliiiine fengu 5 atkvæði hvort, hundsnafnið Karó kom þar rétt á eftir með 4 atkvæði...*hjúkk* Charlie fékk 3 atkvæði en það er bara Siggi sem hefur kosið þrisvar svo að það er ekki marktækt. Lína fékk sem betur fer aðeins 1 atkvæði, en gaman væri að vita hvaða fífl kaus það... Að sjálfsögðu sigraði Kalla í þessari könnun með alls 6 atkvæði. Gaman var að sjá að fólk er loksins farið að venjast þessu nafni mínu, og finnst mér það líka eiga best við mig. Svo að ég er sátt, vona að þið séuð það líka. Seinna krókódílar

2004-11-03T18:36:00.000+01:00

Ég sá það greinilega í dag þegar ég átti leið á klósettið í skólanum í hvað 100.000 kr skólagjöldin mín á önn fara. Var ekki bara komin þessi Hi-tec handþurrkukassi á vegginn inni á klósetti. Til þess að fá handþurrku eftir að maður er búinn að þvo sér þarf maður aðeins rétt að veifa hendinni fyrir framan kassann því að utan á honum er hreyfiskynjari sem skynjar þegar þig vantar pappír. Svo að ég veifaði honum og út kom hæfilega stór skammtur af pappír sem maður rífur svo af, sniðugt ha? Og ekki nóg með það þá er mögulegt ef vilji er fyrir hendi að fá meiri pappír, þá veifar maður kassanum aftur og út kemur tvöfaldur skammtur af handþurrku. Svo til þess að bæta við, þá er alltaf vellyktandi handáburður við vaskinn svo að maður þorni ekki upp af sólblómasápunni. En í öðrum helmingi skólans eru royal klósett, þar eru eyrnapinnar, handáburður og síðast en ekki síst svitasprey. Það er enginn smá munur að fara á klósettið hér maður kemur allt annar út, vellyktandi, heyrir vel og svo er maður eins og barnsrass á höndunum. Hvað er fólk að segja að maður eigi að vera í HÍ? Skólagjöldunum ER vel varið!

2004-11-02T23:25:00.000+01:00

Gæti maður staðist þetta... Ég man hvað ég hló ógeeeeðslega mikið af þessu atriði, Margrét er því til sönnunar. Enda nota ég þennan svip óspart þegar mig vantar eitthvað... Mig vantar... Fullkláraða ritgerð um framsal löggjafarvalds til framkvæmdarvaldsins... Að fá olíulekann í bílnum mínum lagaðan... Verkefni úr kröfurétti... Kúrekastígvél...

PENING...

Gúrku í súkkulaðifondue-ið mitt...

Að láta planta eins og 50GB í viðbót inn í tölvuna mína svo að ég geti niðurhalað ööööllu...

Fleiri klukkutíma í sólarhringinn...

Að knúsulúsa allar vinkonurnar mínar sem ég er ekki búin að hitta lengi...saknsakn

2004-11-01T10:08:00.000+01:00

Hvar er Daníel??? Siggi er greinilega að taka dyravarða-púlsbragðið á Ernu... Hjördís og Sólrún eru ennþá í NY, þær hitta celeb á hverju götuhorni og eru að hafa það massívt skemmtilegt...hlakka ógeðslega til að hitta þær og fá ferðasöguna beint í æð...en ég er föst hérna í skólanum á að skila ritgerð og tveimur verkefnum fyrir næsta mánudag þannig að það er ekki mikill tími til aflögu þessa dagana. Ég fór til Signýjar á föstudaginn að horfa á Idolið hún var að passa og létu krakkarnir engan veginn að stjórn. Þau voru búin að mylja poppkorn útum alla íbúð og sérstaklega ofan í sófasettið. Signý lá bara sveitt í sófanum þegar ég kom og var að éta sláturkepp og borða skyr. Ég tók mig til hjá henni og fór svo í innflutningspartý til Brynju og Axels. Þau voru að flytja í bryggjuhverfið í Garðabæ, íbúðin hjá þeim er geðveik...öfund...öfund. Ég væri alveg til í að vera að koma mér upp eigin pleisi en það verður ekki næstu 3-5 árin...íha! En þetta var magnað partý, á gestalistanum voru 70 manns en þegar ég fór heim um 1 leytið þá voru a.m.k. 50 manns inní íbúðinni. Þetta var algjört Garðbæinga Ghetto partý, nóg af gaurum með kúlukeðju um hálsinn, í síðum nærbolum og með gin 'n juice í annarri. kalla

2004-10-25T19:42:00.000+02:00

Myndirnar úr afmælinu hjá stelpunum og úr bekkjarpartýinu eru komnar inn! Eyddi nokkrum klobbamyndum af Sigga og myndum af pepperónígeirvörtunum hans Gunna...var víst eitthvað viðkvæmt mál. Myndunum af hamförum Daníels með ókunnugu konunni sendi ég inn á batman. Njótið vel!

2004-10-24T15:37:00.000+02:00

Ég fór í afmæli til Sólrúnar, Hjördísar og Þórunnar í Bjarkarsalnum á föstudaginn. Það var fín stemning á fólkinu, bjór og snakk í boði og Mixmaster Erling spilaði fyrir dansi. Oddrún kom svo og sótti mig, Heimi og Pétur til þess að fara í laganemapartý til Sigga í Kópavogi. Þar var stemningin gífurleg og fólk ansi ölvað. Ég tók rónann á þetta og þrusaði í mig 2 ef ekki 3 brennivínsstaupum og man svo voða lítið eftir það...til þess að segja til um það hversu full ég var, þá fannst mér brennivínið bara nokkuð gott á bragðið. Við stoppuðum ekki lengi enda var heljarinnar afmæli sem beið okkar í Firðinum. Dj. E to da g gerði góða hluti eins og venjulega og spilaði 100% partýtónlist þar til húsinu var lokað. Við stelpurnar dönsuðum af okkur rassinn eins og venja er fyrir og átti Margrét algjörlega gólfið! Ég meikaði ekki að fara til Margrétar í eftirpartý enda komin með hnefastórt lykkjufall á sokkabuxurnar og orðin hauslaus af drykkju svo að ég lét mig bara hverfa heim á leið. Ég set myndir inn í kvöld úr báðum partýjunum Kalla ...ég er algjör hálfviti...ég ætlaði að taka fartölvuna mína úr sambandi inni á bókasafni en tók óvart borðtölvu úr sambandi og það var strákur að vinna á hana. Shit hvað ég fékk mikinn móral og hann var sko ekki sáttur með mig gaurinn. Hann var alveg: "já ég meina, þetta reddast örugglega ég er samt ekki búinn að save-a neitt" þannig að ég beið þangað til að hann kveikti á tölvunni aftur og þá var allt dottið út...oh my, greyið! Hann sagðist samt vera búinn að prenta e-ð af þessu út. Mig langaði að grenja og kasta mér út um gluggann...

2004-10-21T20:31:00.000+02:00

Það er komin ný skoðanakönnun! Ég hvet ykkur endilega til þess að taka þátt,spurningin í þetta skiptið er um gælunafnið mitt. Útkoman verður vonandi fróðleg þar sem að þetta er mikið álitamál hjá sumum...nefni engin nöfn Siggi Tomm, ég veit að þú gleðst með mér! Könnunin er eins og venjulega neðst á síðunni.

2004-10-20T13:40:00.000+02:00

Loksins búin í miðannarprófunum og stefnan tekin á ááágætt tjútt um helgina. Hjördís, Sólrún og Þórunn A halda upp á 60. ára afmæli á föstudaginn, sem verður pottþétt skemmtun, dj. og bjór...þarf að biðja um meira? Sóla og Hjöra fara til NYC eftir helgi í nokkra daga og hitta m.a. Thelmus...lucky bastards! En það er alltof langt síðan að ég djammaði síðast, skorpulifrin er farin að mýkjast og taka við sér sem er engan veginn nógu gott! Ég er búin að vera að læra núna samfleytt í þrjár vikur, svo að ég get djammað með góðri samvisku... Vá það var svo fyndið, ég var að kúrulúra með Þór að horfa á video á mánudagskvöldið. Eins og vanalega þá byrjaði hann að dotta, svo að ég sá mér góðan leik á borði og gaf honum þokkalegt selbit á ennið. Hann hrökk upp og spurði mig hvort ég hafi slegið hann í hausinn. Ég setti upp hvolpasvipinn og harðneitaði, þá sagði hann mér að hann hafi verið að dreyma um að hann hefði verið að vinna með rafmagnstalíu, svo fékk hann fjarstýringuna af talíunni í hausinn og vaknaði, vá hvað ég öskraði af hlátri! Þá áttaði ég mig á því að mér er gefin sú náðargáfa að hafa áhrif á drauma fólks, allavega Þórs...

2004-10-19T23:01:00.000+02:00

HANN ER MÆTTUR! Alla leið frá Ohio í trailer til New York, frá New York með flugvél til Íslands.

Volvo-inn er mættur á klakann og í urrandi fíling. Ég var nú búin að lofa nokkrum ísrúnti þegar Volvo-inn kæmi en það þarf ýmislegt að gera fyrir hann, setja á hann stefnuljós og annað samskonar drasl svo að hann komist í gegnum skoðun. Svo tjónaðist hann svolítið á toppinum og undir framendanum við flutningana þannig að það er nóg dútl framundan. En þið getið alltaf komið á rúntinn með mér í Hyundai-inum, það er nú ekkert að því maður... En fleiri myndir af volvo-inum eru hér

2004-10-16T13:06:00.000+02:00

Ég varð bara að hripa niður nokkrum línum, var komin með nett ógeð á að horfa á sexföldu undirhökuna á mér í hvert skipti sem ég opnaði bastarðinn. Svala var 20 ára á miðvikudaginn

hún hélt upp á það á Prikinu í gær, ég sá mér reyndar ekki fært að mæta vegna lærdóms, sem mér þótti miður. Ég er orðin frekar thössuleg eftir allan þennan lestur, er búin að vera í miðannarprófum síðan 6. október, búin að telja allar rendurnar í borðplötunni á bókasafninu og þær eru sko margar. Ég ætlaði mér að gera eitthvað rooosalega skemmtilegt eftir þessi próf, sem ég klára á mánudaginn, taka því aðeins rólega og jafnvel að gerast svo frökk og skreppa í bíó...en nei, þá tekur við verkefna- og ritgerðartörn...ég leyni því ekki, ég sakna gömlu góðu daganna í Flensborg! Það var líka vísindaferð í gær eins og alla aðra föstudaga en ég ákvað að vera heima, leika góðu stelpuna og lesa í stjórnskipunarrétti. Þrátt fyrir undirskriftalistann um að ég ÆTTI að mæta þá lét ég mína stóóóru samvisku ráða...sem var allt í lagi svosem.

Það eina sem heldur mér gangandi við próflesturinn þessa dagana er hugsunin um að hitta aaallar fallegu vinkonurnar mínar...

Jæja, ég er farin að læra...

2004-10-09T21:02:00.000+02:00

Hjördís okkar er 20 ára í dag!

Hjördís er algjört gull af manni. Hún er ómissandi í útilegur, sumarbústaðaferðir og partý, því Hjördísi fylgir mikið alltaf mikið gaman. Í dag er hún tvítug sem þýðir að hún slær ekkert af í djamminu með okkur thössunum því framundan eru bestu árin. Til hammara með ammarann elsku rúsínurassgatið mitt, megi þú verða margfalt eldri!

2004-10-04T16:26:00.000+02:00

Setti inn myndir úr afmælinu hans Teits. Þetta var heljarinnar fínt partý með fínu fólki. Þór og Örn Ingi röltu niður á Hansen og hittu þar átrúnaðargoðið Geir Ólafs og annað gott fólk. Komu til baka í afmælið án Geirs en með Sigga "Lee Lewis" sem að sýndi prýðis góða takta á hljómborðinu og sýndi hann og Biff (Örn Ingi) gott samspil en Örn spilaði á gítarinn. Það var sungið og trallað og svo fór fólk að tía sig heim en aðrir fóru einir í bæinn:) Myndirnar eru misgóðar enda teknar undir ansi erfiðum aðstæðum.

2004-10-02T20:38:00.000+02:00

Halló, hver á mig? Ég var skilinn eftir í sumar úti á víðavangi í Sanddalnum. Ég er brúnn á litinn, slímugur og með sesamfræ hér og þar. Ég kom út í tveim pörtum svo að ég er með opið sár og svo var stigið á mig þannig að ég er illa kvalinn. Ég er að bíða eftir að eigandi minn vitji mín, eða einhverjum sem að vill taka lítinn hressan, brúnan strákling að sér. Ef einhver getur veitt upplýsingar um eiganda minn vinsamlegast sendið mér e-mail á : lost_chocolate@pooper.com

2004-09-28T19:45:00.000+02:00

Jesus bobby hvað ég skammast mín ógeeeeðslega! Ég er inni á bókasafni uppí skóla að læra með eyrnatappa í eyrunum, búin að vera geðveikt niðursokkin í áhugaverðann kröfuréttinn. Svo hringdi einhver úr Garðheimum í símann minn og ég svaraði "geðveikt" lágt: "halló" svo heyrði ég ekkert svo að ég sagði hærra: "HALLÓ" ég heyrði í einhverjum en það virtist sem að sambandið væri geðveikt lélegt svo að ég var alveg: "HALLÓ! ER EINHVER ÞARNA". Oh my það horfðu gjörsamlega ALLIR á mig og gaurinn á básnum við hliðina á mér starði á mig eins og ég væri algjört fífl. Þegar ég skellti svo á fattaði ég var með HELVÍTIS eyrnatappana ennþá í eyrunum. til hamingju með afmælið teitur...ég er hætt í skólanum

2004-09-26T23:03:00.000+02:00

Skrifaði ógeðslega langa og ógeðslega færslu um afrek helgarinnar en hún datt út svo að þið fáið ekki að vita neitt... Þetta er gott dæmi um það sem maður gerir þegar maður á að vera að lesa um viðskiptabréfareglur sem gilda yfir skuldabréf. Í þetta skiptið gerði ég albúm með quality myndum of me homeboys. Ég hitti kannski á veika punkta hjá sumum, því að sumar myndirnar eru í forsýningu en annað er gott úrvals efni. Kveðja, Lak

2004-09-23T11:07:00.000+02:00

Vitiði hvað? Sólrún á afmæli í dag!! Þessi mynd lýsir innra manni Sólrúnar. Sólrún er aaaalgjör partýfugl alltaf með glas af malibu með ananassafa og skeið í partýjum, útilegum, ráðstefnum, nemendafélagsfundum, vinnunni og í sunnudagaskólanum. Ég tók forskot á sæluna á afmælið hennar um daginn, en passaði mig á því að klikka ekki á réttum degi, sem er í dag! En ég ásamt öllum öðrum óskum henni til hammara með ammarann og bjóðum hana velkomna á þrítugsaldurinn.. Hip hip húrra, hip hip húrra, hip hip húrra!!

2004-09-15T22:39:00.000+02:00

Sólrún er 20 ára í dag!! Reminder-inn í símanum mínum pípti í dag og tilkynnti mér það að Sólrún ætti afmæli. Ég dreif mig í að senda henni sms í tilefni dagsins. Hún sendi mér tilbaka um að ég væri nú meira helvítis fíflið því að hún ætti ekki afmæli fyrr en 23. sept. ...ég er algjört mis En þá vitum við það að Sólrún VERÐUR títján þann 23. svo að við höldum þann dag hátíðlegan, ...en ekki daginn í dag.

2004-09-13T23:36:00.000+02:00

Loksins kom "litla" prinsessan í heiminn. Það tók hana reyndar tæpa 15 klst en það hófst á endanum enda engin smá smíði, 21 merkur. Hún þurfti hjálp sogklukku (drullusokks) í lokin svo að hún er með Conehead haus greyið en það jafnar sig á næstu vikum. Svo var hún með naflastrenginn vafinn um hálsinn svo að hún var öll blá. Hún fékk kinnarnar og hausinn frá Köllu frænku svo að þetta verður stór og myndarleg stúlka. En ég er voða montin af svona fallegri frænkurænku...

2004-09-12T15:31:00.000+02:00

Takk kærlega fyrir allar hressu kveðjurnar á afmælisdaginn minn. Sú allra skemmtilegasta kom beint úr sveitinni þegar Ragga rolla og Halli hrútur hringdu í mig og jörmuðu fyrir mig afmæliskveðju (Margrét í réttum). Núna sit ég við símann því að Rannveig mágkona mín er í þessum skrifuðum orðum að rembast við að koma litlu kríli í heiminn. Hún er búin að vera síðan 3 í nótt svo að þetta er farið að taka ansi langan tíma. Krakkagreyið er ábyggilega með fjölskylduhausinn svo að Rannveig á alla mína samúð. En ég setti inn myndirnar mínar og svo er Signý að sjálfsögðu með gott safn. Tékkið á: -Þórunni að reykja...what? -Hjördísi í gólfræstingum í keiluhöllinni -Sísí að dreifa flösu um götur borgarinnar útum bílgluggann -og margt, margt fleira

2004-09-07T23:53:00.000+02:00

Vá hvað það var gaman í afmælinu hjá Margréti...Margrét kann sko að halda partý! Hún fórnaði húsinu sínu undir rúmlega 30 manns, blastaði græjurnar og bauð upp á dýrindis veigar. Þar af leiðandi voru allir gjörsamlega hauslausir þegar ég mætti úr brúðkaupinu um eittleytið. Svo var dansað og dansað og dansað meira undir sterkri yfirhönd dj. Maggie og dj. Sólu. dj. Kiddi náði samt yfirhöndinni á vissum tímapunkti og drap gjörsamlega stemmarann með Skímó syrpunni. En við náðum okkur aftur á strik eftir að Justin var skrúfaður í botn og Kiddi kýldur í gólfið. Partýið var magnað, fólkið var magnað, stemningin var mögnuð! Magga, ég get ekki beðið eftir því að þú verðir þrítug! Ég var að setja myndirnar úr afmælinu en þær eru frá Signýju.

2004-09-02T17:59:00.000+02:00

Til hammara með 20 ára ammarann Margrét!

2004-08-29T23:39:00.000+02:00

Myndir frá helginni voru að detta inn...

2004-08-28T18:35:00.000+02:00

Var að setja inn myndir úr vísindaferðinni. Það var geðveikt gaman, við hittumst öll upp í HR og fórum svo með rútum niður í KB banka í Borgartúni. Þar var frír bjór, rauðvín, hvítvín og snittur...maður nýtti sér það. Svo var farið upp í Kringlu á 9. hæð minnir mig og í sal þar. Þar var frír bjór...össshhh. Þaðan var farið á Pravda þar sem allur bjór var á 350 kall. Ég, Begga og Sísí vorum svo svangar þar sem að maður var búin að drekka síðan hálffimm. Þannig að við skelltum okkur á 67 og fengum okkur petsu og var hún mjööög góð! Fórum svo á Pravda og ætluðum að tjútta en þá fór einhver gella að vera með bögg við okkur svo að ég gaf henni eitt gott slink og þá var hún með eitthvað attitude en hætti svo við þegar hún sá að við vorum allar 30 cm stærri en hún. En hún var svona næstumþvídvergur eða e-ð. Mikið fjör, mikið grín, mikið gaman jáh..

2004-08-27T16:25:00.000+02:00

Ég er að fara í vísindaferð með skólanum á eftir. Hún er í boði EJS og KB banka...allt áfengi í boði svo að ég ætla bara að taka Kölluna á þetta... Svo er pæling að skella sér í Sanddalinn á morgun með strákunum en þeir eru að fara að skjóta leirdúfur og fleira í þeim dúr. En skúbbið fyrir helgina er það að ég held að ég sé með kærasta Steinunnar Nylon í bekk. Hún allavega sótti hann í gær í skólann. En þetta er ábyggilega fínn gaur en hann er með pappa í hausnum. Við vorum að læra um fasteignakaupalög í gær og það að maður fengi ekki afhenta fasteign fyrr en hún væri greidd...blahh...Þá spurði hann greyið: "En ef maður tekur kannski 25 ára lán fyrir húsinu sínu, fær maður þá ekkert afhent fyrr en eftir 25 ár eða". Kennarinn var alveg: "öhh halló lánið er hjá lánastofnun...dahh!" Þá var Mr. Nylon alveg eldrauður í framan...hehehe gott á hann Jæja ég ætla að fara að pumpa út pissublöðruna fyrir kvöldið... later pals

2004-08-24T16:05:00.000+02:00

Þessi helgi var frekar skrýtin Ég, Heiðdís, Hjördís og Þórunn fórum út að borða á Ruby Tuesday á fimmtudagskvöldið, eftir matinn hljóp einhver djammpúki í okkur. Við fórum heim til Magga bróðir og fengum lánaðan bjór og brunuðum svo til Hjördísar og fórum á kojufyllerí... Ég var svaka spræk þar til að ég mundi eftir því að ég átti að mæta í skólann daginn eftir, en skítt með það... Ég Heiðdís og Þórunn ákváðum svo að labba heim svo að Hjördís kappklæddi okkur í fullt af peysum og treflum. Litla systir hennar hlýtur að vera verulega jafnvægislítil þar sem að ég passaði í húfuna hennar...magnaður skítur! Ég og Þórunn fórum á trúnó á leiðinni og stóðum ábyggilega í klukkutíma og ræddum málin. Ég svaf í fjóra tíma og mætti svo fyrsta daginn minn í háskólann þunn og illa sofin. Á Menningarnótt var svo partý hjá Hjördísi þar sem ég var nú bara róleg því þetta var vinnuhelgi. En ég fór allavega í snilldardrykkjuleik... Ég skutlaði Evu í bæinn og sótti Þór í leiðinni. Hann ætlaði að labba niður á Hótel Loftleiði svo að ég beið eftir honum þar. Eftir drjúga stund kemur hann haltrandi og skrallandi inn á bílastæðið. Hann hafði þá stytt sér leið hjá BSÍ og labbað yfir allt túnið og drulluna og dottið framfyrir sig og beint á andlitið. Hann var svo ógeðslega klessufullur, allur moldugur í framan, með mold inn í nefinu og augunum...algjört kjánaprik Já og svona til að toppa helgina þá fórum við í áttræðisafmæli á Eyrarbakka á sunnudeginum... Jæja ég er farin að eyða sumarlaununum í skólabækur....

2004-08-18T00:02:00.000+02:00

Ég byrjaði á því að gera mig að massívu fífli í flugvélinni. Við tékkuðum okkur inn og svo reif tjellan af miðanum í geitinu, af gömlum vana þá stakk ég miðastubbnum inn í vegabréfið mitt. Þór spurði í hvaða sæti ég væri því hann var 12 A, ég kíkti á minn og þá var ég 10 B. Ég spurði flugfreyjuna hvort hún gæti ekki mixað þetta fyrir okkur, jújú ekkert mál, við áttum bara að fá okkur sæti. Við löbbum þá inn í vélina en þá situr maður í sætinu mínu, ég spurði hann hvort hann væri ekki örugglega í vitlausu sæti. Hann hélt nú ekki og benti mér þá vinsamlegast á að miðinn minn var merktur 26. maí. Ég var alveg rasandi yfir þessu öllu saman og labbaði til flugfreyjunnar og benti henni á þetta. Hún fór út úr vélinni og talaði við einhvern í check-inn og kom svo 10 mín seinna og spurði mig hvort ég hefði ekki haft það gott á Costa del Sol. Ég var alveg ljóskan uppmáluð: "jú ég fór einmitt í vor". Þá sýndi konugreyið mér að miðinn var merktur MALAGA 26 maí 2004. Eeen Köben var algjört yndi! Við fórum í síkjasiglingu þar sem ég brann til kaldra kola á öxlunum... Fórum í tívolíið í stóra rússíbanann, skoðuðum Luis Tussauds vaxmyndasafnið, Rosenborg garðinn og skoðuðum vel og vandlega búðirnar á Strikinu og í Field´s mollinu. Þetta var algjör snilldarferð, nema að H&M var ekki komin með nóg af nýjum vörum...öössshhh Var að setja inn myndir úr ferðinni...

2004-08-12T00:23:00.000+02:00

Þá er það köben í fyrramálið! Það er aldeilis sláttur á manni að vera að fara í þriðju utanlandsferðina á árinu...enda á ég ekki krónu afgangs...heheh En ég er búin að pakka, mér finnst alltaf betra að taka minna með mér svo að ég hafi góða afsökun til þess að kaupa mér meira. Þór er svona "shop till you drop" gaur svo að ég hef engar áhyggjur! senere mine venner...

2004-08-10T20:45:00.000+02:00

Vá ég er alveg að drulla á mig hérna, Eyja frænka mín er nefnilega í heimsókn. Þeir sem að hafa ekki heyrt af henni sögurnar eru að missa af miklu. Hún var áttræð í gær tjellingin og var því haldið svaka gill heima hjá systir mömmu. Hún er svo fyndin, hún er alltaf að reyna að vera svo hip og kúl, því hefur hún tekið upp á því að "fíla" hluti. Við vorum semsagt í afmælinu í gær og ég keypti handa henni voða fína slæðu. Hún þakkaði mér fyrir og sagðist "fíla hana í botn". Ég þurfti að halda í mér. Áttræða konan! Þór stakk af úr veislunni, fór út á róló með öllum litlu krökkunum og fór í kollhnísakeppni niður brekku, kom svo inn pungsveittur og allur út í grasgrænu. Mig langar ekki í börn með Þór, það er bókað mál að þau eiga eftir að "fíla" hann betur en mig. Ég og kidloverinn erum að fara til Köben á fimmtudaginn, samkvæmt áreiðanlegum heimildum frá blogginu hennar Evu Dísar þá var 30°-34° í dag...úfff Þá er bara málið að finna góðan útibar með hafa góðan bjór við hönd og wörka tannið í leiðinni....mmm

2004-08-06T22:24:00.000+02:00

Ég og Þór erum að fara til Köben 12. - 16. ágúst! Signý kúkur og Soffi drulla komast ekki með þar sema að Soffi er að vinna...búhú. Ég er búin að vera að reyna að mixa videoið af RedBull kvöldinu hennar Margrétar en mér tekst engan veginn að finna heimasíðu þar sem ég get uploadað videoum, svo að ef einhver veit betur þá endilega 'let me know, now!'. Þar sem að þetta video er ansi skondið og Margrét er búin að gefa grænt ljós á opinbera birtingu þá langar mér mikið að setja þetta á bastarðinn.

2004-08-01T23:19:00.000+02:00

vááá... ég er loksins komin með adsl svo að núna koma allar myndirnar mínar í einni bunu. - ég og mams í London í vor - restin af myndunum frá Costa del Sol - sumarbústaðaferð í Sanddalinn - kosningahelgarpartý hjá Þór - fyrsta helgin í júlí Vidjóið af RedBull fylleríinu hjá Margréti er enn í vinnslu en má vonandi koma inn von bráðar...

2004-07-26T19:40:00.000+02:00

Það er greinilegt að skátastimpillinn dofnar seint... Andra sem er að vinna með mér datt allt í einu í hug að nefna þetta við mig en hann er einmitt í skátunum. Hann fór á Evrópuþing Skáta í Laugardagshöll í júní, þegar hann gekk inn í höllina blasti við honum RISASTÓR borði með logo-i þingsins og myndum úr íslensku skátalífi í kring. Jújú var ekki Köllu súperskáta smellt á borðann og í engri smá stærð! Ég veit...ég tek mig geðveikt vel út á kanó

2004-07-25T01:18:00.000+02:00

Íslenskar irc-tilvitnanir: hvernig signa ég mig inn á msn með öðru emaili en @hotmail.com :l ertu með spliff ? whu ? .... þarf spliff til að tengjast MSN-gengjunni, svo aðrir geti donkað þig hmm hvar fæ ég spliff? Ég fékk næstum því að ríða 2x....málið var að þegar ég fór úr peysunni þá sá hún Skjálfta bolinn minn og sagði að ég væri nörd og fór út. [19.Mon.01 19:27:09 ] [ Svenn1 ] mamma fann þvottaduft í úlpu vasanum mínum og hélt ég væri í eiturlyfjum <@dufuz> ég var útá select ... það var fm hnakki að gera grín að mér ... :/ <@dufuz> var með svona sennheiser 212 pro heyrnatól um hálsinn ... eru frekar svona stór ... samt ekki <@dufuz> hann sagði eitthvað "Voðalega eru þetta flott og stór heyrnatól" með mega svona irony rödd ... <@dufuz> hann var memð 2 gellum þarna sem flissuðu og skríktu eins og ég veit ekki hvað útaf þessu <@dufuz> Svaraði reyndar bara á móti "Já mjög svo, líka mun betra sound í þessu heldur en í hátölurunum í hondunni þinni" ... <@dufuz> Stelpurnar sprungu úr hlátri og hann varð ekkert smá skömmustulegur <@dufuz> Veistu ég held hann hafi orðið rauður ... bara sá það ekki nógu vel þar sem hann virtist vera ennþá rauður eftir ljósabekkjar notkun

2004-07-20T07:19:00.000+02:00

ja hérna já, þetta var nú meiri helgin! Afmælið hjá Thelmu á laugardaginn var bara asskoti fínt, en sökum þess að ég hafði gleymt símanum mínum hjá henni á þriðjudaginn þá missti ég af afmæli hjá Bjarneyju sama kvöld....ííísk.. Ég drakk óvart einni freyðivínsflösku of mikið svo að ég skallaði hurðakarm og bauð svo öllum að "krassa" heima hjá mér og ég ætlaði meira að segja að grilla ofan í lýðinn heima. Svo að sunnudagurinn var ekki eins ánægjulegur... Nokkrar löfsur og Bidda fórum á Ameríska stílinn. Heiðdís sótti mig en mér leið svo skítlega að ég dreif ekki lengra í bílnum en að leikskólanum í götunni minni þá þurfti ég að "barfa". Ég setti rassinn upp í vindinn og miðaði á ljósastaurinn en vindurinn var svo mikill að ælan tók sveig og á skóna mína. Helmingurinn fór út um nefið á mér svo að við fórum heim að snýta mér. Við mættum svo með gott bragð í munninum upp á stílinn og fengum okkur einn sveittann. Við fórum svo heim til Heiðdísar og lágum marflatar, þunnar og ógeðslegar í garðinum og böðuðum okkur í sólinni. Ég, Heiðdís og Hjördís fórum svo heim til mín í kvöldmat og við mixuðum okkur tortillas með gúllaskjúklingi...mmmhh...

2004-07-19T21:51:00.000+02:00

47 myndir komnar inn frá Costa del Sol. Þær eru undir sama gamla linknum... Meira í vinnslu

2004-07-09T02:00:00.000+02:00

Til hammara með ammarann Þór! Mr. Fartman a.k.a Þór er tuttuguogeins árs í dag. Ég hef ekki orð yfir það hversu gamall mér finnst hann orðinn. Við fórum í útilegu síðustu helgi eins og hver annar vitiborinn maður. En það sem við höfðum fram yfir lufsurnar er að við þurftum ekki að snúa við í Borganesi og þrusa á Laugarvatn...svekkjandi. Semsagt ég, Þór, Ívar, Heiðdís og Ingó fórum í Sanddal þar sem foreldrar Ingó eiga bústað og gistum þar inn í dalnum í fellihýsi. Það var mjööög gaman. Við fórum að skoða eyðibýli og Ingó sagði okkur draugasögur, Þór stoppaði hann af þar sem honum var ekki farið að lítast á blikuna...pussy! Við tókum ferðalettið með okkur sem að strákarnir smíðuðu niðrí smiðju og var það að gera mjög góða hluti. Að sjálfsögðu sigraði Þór okkur með yfirburðum í lífræna áburðinum en minn maður hraunaði einum góðum hálfskílóa drjóla fyrir utan fellihýsið. Svo fórum við í sund í Varmalandi og Ingó náði að brenna sig á geirvörtunum á sundbrettinu...(er það hægt??) Hresslega var tekið á í drykkju og Jägermeisterinn var ávallt við hönd. Ég náði að festa þrumuna mína í á en það var ekkert sem að Þór gat ekki reddað...hehehe... En vá hvað það var massívt á Metallica. Ég get bara sagt að ég er búin að strika yfir eitt atriði á "to do before I die" listanum mínum... Ég er í þessum töluðu orðum að hlaða niður myndunum úr ferðinni og frá kosningapartýinu. Svo að þið fáið að sjá afrek Þórs og fleira hot stuff! kalla

2004-07-02T16:05:00.000+02:00

Ég henti mér á heimildarmyndina um Metallica í gær með bræðrum mínum og okkar fylgifiskum. Myndin var geðveik, klárlega besta heimildarmynd sem ég hef séð og hef ég séð þær margar. Núna er ég svo upptjúnuð að ég get vart beðið eftir sunnudeginum. Við löfsurnar erum í eintómum vandræðum, við getum ekki ákveðið hvert á að fara um helgina. Þetta er orðið svolítið þrætuepli þar sem að við erum á tveimur bílum og engin okkar er sammála hvert förinni skal heitið. Þetta hlýtur að koma í ljós á næstu mínútum. Annars sá ég á Bender-blogginu að Seljavellir séu málið. Þar eru víst strákar að auglýsa eftir fine gellum þangað því að þeir vilja ekki að einhverjar hlussukuntur séu að koma á svæðið....ókeeeiii... Ég heyrði eina bestu ljóskusögu í gær. Þannig er mál með vexti að mágkona mín var að vinna í Te og Kaffi og var ein starfsstúlkan þar ogguponsu mis í lífinu og var henni mikið strítt af heimskupörum sínum. Einn daginn var hún aldeilis illilega tekin í rassgatið þegar hún var send eftir 500 GRAMMA KARTÖFLUSTREKKJARA. Stelpan lallaði inn í eldhús og biður strákana um kartöflustrekkjarann. Strákarnir spila með og benda henni á eldgamalt kaffibaunabrennsluvélargargan sem vó ábyggilega vel 30 kíló. Stúlkan fer fram, nær í vinkonu sína og þær rogast fram með græjuna... Þangað til næst...

2004-06-28T23:39:00.000+02:00

Loksins...loksins er ég búin að drulla myndunum frá Costa inn! Tékkið á linknum til vinstri. Ég og Sara doggy röltum til Signýjar og mixuðum þetta á no time. Helgin var andskoti massív. Það var rólegheitapartý hjá hjólastóla Þór bæði föstudags og laugardagskvöldið og var bara ansi gaman. Hjördís og Moli voru fólk helgarinnar eftir að hafa náð í eins stuðmannagalla á laugardagsmorgninum. Ég kem með góóhóðar myndir þegar ég hef nennu til.

2004-06-23T00:35:00.000+02:00

Mér ber skylda til að útskýra "útför" Heiðdísar. Þannig er mál með vexti að við lágum eins og marglyttur einn daginn á ströndinni á Costa. Þegar tími kom til að rölta upp á hótel sá ég hvítar skellur aftan á rassinum á Heiðdísi. Við vorum að göslast í sjónum og vorum allar útí salti. Ég reyndi eftir bestu getu að vera fyndin og sagði við Heiðdísi að það liti út fyrir að hún væri með massíva útför á rassgatinu. Enginn náði brandaranum mínum...ég, besservisserinn mikli spurði stelpurnar í hneykslistón: "Vitiði ekki hvað útför er?" Jújú þær vissu það að sjálfsögðu en skildu samt sem áður ekki það sem ég var að tala um....þá ætlaði ég að segja útferð en ekki útför sem er allt annar handleggur! Já, svona var nú það ég vona bara að allir séu á eitt sáttir og að enginn misskilningur hafi átt sér stað við þessa annars góðu setningu. Já og svo er brjóstahaldarinn í skápnum vinstramegin!

2004-06-12T03:07:00.000+02:00

Við lufsurnar erum komnar heim frá Costa...all tanned and gorgeous! Vá hvað það var ógeðslega gaman. Ég hef aldrei á minni stuttu ævi innbyrt eins mikið af áfengi á eins stuttum tíma. Sumir náttúrulega misstu sig í vodka í redbull en það er aaallt önnur saga.... Signý er að mixa myndirnar úr ferðinni fyrir mig og verða þær komnar innan tíðar á síðuna eftir gagngera ritskoðun. Lag ferðarinnar: Don't stop me now með Queen Setning ferðarinnar: Kalla: "Heiðdís, það er eins og þú sért með massíva útför á rassgatinu". Orð ferðarinnar: Jóna: "Sko, hún Kalla er algjör handycapped"

2004-05-21T22:29:00.000+02:00

Yippie ki ay motherfucker! Það er ótrúlegt hvað fólk er óskammfeilt. Þar sem ég er að vinna í stórri verslun verð ég vitni að ýmsu. Fólk gerir allt frá því að stela að því að kúka út fyrir á almenningsklósettinu. En það besta sem ég hef séð í þessum bransa sá ég í morgun þegar ég var í óðaönn að fylla á gúmmítúttur. Einhver kúnni hefur komið inn í verslunina í túttum. Hann skipti um túttur í miðri versluninni og skildi eftir eldgamlar, strigaklæddar túttur í staðinn. Mér finnst alveg magnað að fólki skuli detta þetta í hug.

2004-05-17T18:54:00.000+02:00

Það er einhver sérfræðingur sem er að reyna að pirra mig á síðunni minni. Hann vantar greinilega athygli frá mér svo að hér er hún! Ég mallaði kjúklingasalat handa Costalufsunum á laugardaginn, á reyndar fulla skál í afgang þar sem að helmingurinn mætti um 9, sveiattann! Júróvisjónkvöldið var frábært í faðmi fallegra fljóða sem flykkjast eftir 9 daga frá okkar fagra ísalandi til Costa del Sol. Hvað eru mörg -f- í því? Ég var ein af þeim sem að fór í röð til að fá miða á Metallica. Ég bauðst til þess að fara því að Þór sagðist þurfa að vinna. Svo á laugardagsmorgninum þá hnippir hann í mig rétt fyrir átta og spyr mig hvort ég ætli ekki að drífa mig í röðina. Ég var alveg: "jújú hvað er þetta..." Þá spurði ég hann afhverju hann væri ekki farinn í vinnuna. Þá sagði vinurinn: "Bara, það er ekki vinna í dag" og snéri sér á hina hliðina. Ég hélt ég myndi stúta gaurnum. Hann sendi mig í roki og rigningu í 2000 manna biðröð. Ég og Signý reyndum að gera gott úr þessu og tókum með okkur útilegustóla, teppi og stóra regnhlíf. Við fengum miða svo að við erum á leiðinni 4. júlí á Metallica...ég er samt að spá í að selja miðann hans Þórs ef einhver hefur áhuga..

2004-05-12T19:35:00.000+02:00

Löggimann hringdi í mig á mánudaginn kl:18 þá voru þeir búnir að finna spilarann minn. þvílík gleði, þvílík hamingja, þvílík lukka! Þeir fundu hann ásamt öðru góssi í garði við Hjallabraut (ég er nokkuð viss um að Þórunn hafi eitthvað verið með puttana í þessu öllu saman). Það er víst trix hjá Norðurbæjargenginu að eftir að þeir eru búnir að stela þá fela þeir dótið einhversstaðar og sækja það svo daginn eftir. Þannig að löggukallarnir fóru á fjórar og fundu fullt af drasli í þessum garði. Ég þurfti svo að sækja spilarann upp á stöð í gær þar sem hann var í Nóatúnspoka, allur kolbikasvartur af fingrafaradufti... Bjarney missti víst í buxurnar yfir gátunni minni. Hún braut heilann yfir henni lengi lengi en komst að engri niðurstöðu svo að hér er svarið Bjarney: Það þarf að skera annan upp en hinn niður.<

2004-05-11T01:59:00.000+02:00

Ég er EKKI kát.Það var brotist inn í bílinn minn í nótt og stolið úr honum geislaspilaranum. Þetta voru einhverjir helvítis amatörar, já ég vona að þið séuð að lesa þetta! Þeir klipptu á alla víra sem þeir sáu inni í mælaborðinu og nú er ekkert stefnuljós á bílnum...ég veit ekki hvort ég á að hlæja eða gráta. Það eina sem ég get huggað mig við þessa dagana er að það eru einungis 16 dagar í Costa del Sol með lufsunum. Ég og Þór vorum í gátukeppni í gærkvöldi (ég malaði hann). Ég er að spá í að vera stundum með svona gátuhorn (hversu ömurlegt sem það hljómar). Gátuhorn Köllu: Hvaða munur er á manni með botnlangabólgu og öðrum sem hefur hengt sig?

2004-05-06T00:08:00.000+02:00

Ég er komin með prófbóluna. Ég fæ alltaf bólu þegar ég er að læra undir próf. En þetta er engin smá bóla og hún er á hökunni á mér. Ég er nokkuð viss um að ef þið kíkið út um gluggann heima hjá ykkur og horfið upp í Norðurbæ, þá sjáið þið hana. Kannski er að vaxa gaur útúr hökunni á mér eða kannski er hökuskarðið mitt að taka völdin og rassmyndun eigi sér stað. Allavega kemur rosalegur þrýstingur í hökuna þegar ég halla mér fram á við. Það bendir til ýmislegs. Það væri samt svolítið slæmt ef að rassmyndun ætti sér stað í andlitinu á mér, ég með kærasta og allt. Þá myndi líka klæða mig illa að vera í rúllukragapeysum, ekki það að þær séu í einhverju uppáhaldi en ég hugsa að þær myndu beina athyglinni að rassinum á hökunni. Eitthvað sem myndi beina athyglinni frá rassinum á hökunni væri góð frunsa á vörina, svona stór sem er crunchy í köntunum en með gulum graftarpolli í miðjunni. Ég hef samt aldrei fengið frunsu....

2004-05-02T00:59:00.000+02:00

Sylvía vinkona er tvítug í dag. Til hamingju Sylvía! Ég fór í bústað um helgina með Þór, þar fann ég rjúpu sem var hálfgrafin undir laufum og hafði greinilega dáið af náttúrulegum orsökum. Þór fannst þetta merkilegur fundur og hringdi í sir Ívar Mcleod. Sir Mcleod fannst þetta enn merkilegra og bað Þór um að kötta klærnar af rjúpunni. Þór var ekkert að tvínóna við hlutina og fór út með töng og hamaðist á rjúpudruslunni þar til að lappirnar gáfu sig...enn veit ég ekki hvort Ívar ætlar sér að hengja klærnar á gítarinn eða í skotapilsið?? Ég skaut af riffli í fyrsta skipti um helgina. Mér fannst þetta andskoti öflugt og gæti vel hugsað mér að stunda fuglaveiði eins og í Duckhunt í Nintendo. Það væri ábyggilega geðveikt. Vá! ég myndi samt ekki nenna að hundurinn minn myndi hlæja að mér í hvert skipti sem ég hitti ekki...

2004-04-27T21:58:00.000+02:00

Halló haahalló, muniði eftir þessu lagi í áramótaskaupinu? Ég fór í sund í gærkvöldi með Þór og Signýju. Ég og Signý fórum í áhrifaríka cellulite meðferð í heitapottinum. En Signý var með allt á hreinu, samkvæmt bæklingnum sem fylgdi heitapottinum hennar þá er hægt að minnka appelsínuhúð með því að láta nuddið í pottinum buna á lærin. Signý var með góða sýnikennslu og ég og Þór fylgdum fordæmi hennar. Grey Þór. Ég ætla að minna fólk á að ég er með gestabókog commentara. Það er víst mikið til af fólki eins og Þórunni sem sér illa frá sér og tekur ekki eftir svona augljósum hlutum. En ég ætla að fara að byrja að læra...læra...læri...lambalæri

2004-04-26T20:48:00.000+02:00

úff ég er nú meiri drulluklessan. Ég kem bara með best of síðustu viku í dag... Ég og Signý vorum módel fyrir Bryndísi hönnuð í FG á tískusýningu á miðvikudaginn, þetta voru mjög skemmtileg föt hjá henni Bíbí og vafalaust það heitasta með komandi sumri. Katla var náttúrulega að brillera þarna með sína hönnun sem vakti mikla og verðskuldaða athygli. Föstudagurinn var mikill gleðidagur í lífi margra. Soffidró mig út á brókinni og splæsti í morgunmat á Café Bleu, við kíktum svo á snillinginn Signýju upp í MH þar sem hún var að dimmitera. En hún var Páll Óskar í Eurovision þemanu hjá vinahópnum sínum. Þið getið kíkt á hana hér. Í bakaleiðinni heim kom ég við í Smáralindinni til að heimsækja 67 klessufulla banana í náttfötum. Þetta voru að sjálfsögðu kollegar mínir úr Flensunni sem voru að dimmitera. Um kvöldið lá leið mín upp í Skútuna, þar dansaði ég af mikilli gleði við fallega fólkið úr Hafnarfirðinum. Hjólastóla-Þór hreinsaði af dansgólfinu með bolnum sínum þar sem hann gerði luftgitar í hverju einasta lagi fyrir okkur stelpurnar, Þór we luv u babe. Yfir og út...

2004-04-19T14:32:00.000+02:00

Ég náði að versla af mér rassinn í London. En samt ekki eins illilega og sextugi kallinn sem ég og mamma sáum í underground-inu. Kallgreyið var með konunni sinni og dóttur á leiðinni í lestina, ég sá að það lafði eitthvað aftan á rassinum á honum. Fyrst leit það út eins og skyrtan hans en svo þegar við nálguðumst hann þá reyndist þetta vera klósettpappír...slæmt! Mamma vildi ólm láta manninn vita að það héngi klósettpappír úr rassinum á honum, ég var ekki á sama máli svo að hann hélt áfram göngu sinni öllum öðrum til athlægis...haha! Á föstudaginn fórum við í leikhús, við fundum einhvern sölubás sem seldi leikhúsmiða úti á götu. Það var uppselt á Mamma mia! sem er ABBA show, svo að við ákváðum að fara á Rod Stewart, Tonights the night. Sölubásgæinn lét okkur fá skrattahorn og sagði okkur að allir ættu að mæta með þau á sýninguna því það yrði e-r óvænt uppákoma?? Ókei við mættum svo um kvöldið í Victorian Palace leikhúsið með hornin í veskinu (sem betur fer). Það var ENGINN með svona horn á hausnum, leikhúsið var fullt af fínu fólki sem hefði ekki verið með húmor fyrir okkur mæðgum hefðum við mætt á leikritið með helv... hornin á hausnum... Sölubásgæinn hefur örugglega farið hlæjandi í háttinn það kvöldið.

2004-04-13T18:17:00.000+02:00

Nú ætla ég að yfirgefa pleisið í fyrramálið og skella mér til London í nokkra daga. Stefnan verður aðallega tekin á Oxford Street, því þar ætla ég svoleiðis að versla af mér rassinn! Ég er meira að segja búin að vera að spara mig síðan ég keypti flugmiðann, hef ekkert verið að fara í Kringluna eða neitt ótilneydd. En ég er algjör rookie í London, svo að þeir sem vita um einhverja snilldar veitingastaði eða mæla með einhverju mega endilega skilja eftir línu í gestabókinni. Endilega kíkið á þetta á meðan: William Hung karaoke chicks

2004-04-13T17:39:00.000+02:00

Ég fór með Signýju ,Ýr og Oddi heim til Ingva sem er þokkalegur fyr. Heima hjá Ingva myndaðist þrusu stemning. Um þrjúleytið löbbuðum við niður í bæ og á leiðinni hitti ég fimmtugan spánverja sem talaði frönsku, við spjölluðum aðeins og hann bauð mér í e-ð sumarhús í Marseille. Ég afþakkaði boðið og þá sagði hann "æi ég gæti hvortsem er verið pabbi þinn..". Og með því þá fór hann. En Ingvi er rausnarlegur maður og bauð okkur inn á Vegamót og sá til þess að ég og Signý urðum klessufullar, eða allavega ég. Þar dönsuðum við þar til fór að birta svo man ég ekki meir. Við fórum jú í leigubíl heim. En þetta var gott kvöld, dagurinn eftir í vinnunni var það ekki...

2004-04-11T17:28:00.000+02:00

Í ár var ég ekki lengi að finna páskaeggið mitt. Mamma felur það alltaf fyrir mér og hún er helvíti góð í því. En í ár var hún ljúf og setti það í kommóðuskúffuna í forstofunni. Ég verð alltaf svo tryllt pirruð þegar ég finn ekki eitthvað og það finnst mömmu rosalega fyndið svo að hún nýtur þess á hverju ári að fela fyrir mér eggið. í fyrra fór ég yfir um af bræði því að ég fann ekki fjandans eggið og mamma hló og hló og sagði mér til hvort að ég væri köld eða heit...eggið fann ég svo að lokum eftir klukkutíma leit í þvottavélinni sem var full af þvotti. Eitt árið muldi hún eggið mitt mélinu smærra og tróð því í kaffikönnuna. Ég var ekki nema 10 ára gömul og var ábyggilega eina barnið á landinu sem átti mölbrotið páskaegg með krömdum unga. Þetta er eina skiptið sem ég hef virkilega grátið undan mömmu...en hún hló bara sínum kvikindislega hlátri...

2004-04-09T07:46:00.000+02:00

Þennan líka laaaanga föstudag fór ég með Þór og hundinn niður að Hvaleyrarvatni. Við fórum með Ívari, Gunna og Bjögga í lautarferð í góða veðrinu við vatnið. Eftir að þeir voru búnir að hrauna nóg yfir hundinn minn, þá fór ég heim. Signý greyið er búin að vera að æla rauðlauk í allan dag eftir stórát í gærkvöldi svo að ég er að spá í að hressa hana upp með nærveru minni í kvöld.

2004-04-07T22:30:00.000+02:00

Ég gæti haldið áfram endalaust að segja sögur af henni frænku minni. Tottfrænkunni. Ég skutlaði henni á þriðjudaginn til Gyðríðar vinkonu sinnar. Þegar ég sótti hana aftur þá var Gyðríður vinkona ólm í að fá mig í mjólk og köku. Ég gat ekki fundið upp neina afsökun á svona stuttum tíma svo að ég sló til. Kerlingarnar voru að drekka kaffi svo að ég fékk mjólkina mína í bolla. Þegar ég var búin að taka svona tvo sopa sé ég þetta líka girnilega bleika varalitafar á bollanum. Ég líklegast klígjugjarnasta manneskja í heimi fékk hrottalegan hroll við tilhugsunina um hversu illa uppvaskaður þessi bolli var. Og að einhver Bára bleika hafi verið að sötra úr honum á undan mér með bestu lyst. Þá fór Gyðríður að skenkja mér meira í bollann og segja að gömlu-konu-sið: "Kláraðu nú mjólkina þína". Öööggghh...þetta var svooo ógeðslegt... It's kinda hard being K-A-double-L-A

2004-04-06T01:50:00.000+02:00

Ég fór í morgun að taka bensín áður en ég fór í vinnuna. Byrjaði á því að stimpla óvart inn 35 kr í staðinn fyrir 3500 kr. Svo að ég djöflaðist á dælunni eins og hálfviti og hélt að hún væri að svíkja mig big time! Þá fór ég á næstu dælu bölvandi og ragnandi yfir því hversu sein ég var orðin í vinnuna. Setti vísað í græjuna og byrjaði að dæla, svo þegar tankurinn var fullur þá greip ég óvart í klemmuna á dælunni þegar ég dró hana upp og þar af leiðandi þá sprautaði ég bensíni yfir allan bílinn og á planið og þurfti að borga fyrir það í þokkabót...feginn samt að reykja ekki...fjúff

2004-04-03T02:18:00.000+02:00

Vandræðalegt, legtvandræða, ræðavandlegt! Ég sat fyrir framan sjónvarpið ásamt foreldrum mínum og aldraðri ömmusystur minni í kvöld. Á dagskrá stöðvar tvö var mjög svo furðuleg mynd um partýglaða háskólanema...ekki nema það að ein stúlkan æsist verulega og tekur upp á því að totta kennarann sinn í beinni. Ókei, það er nú ekkert eins vandræðalegt og að horfa á sjónvarpið með foreldrum sínum þegar heitar ástarsenur og bossaríðingar eru á dagskrá. En neiii það dugði ekki til, ömmusystir mín sneri sér að mér og spurði: "Veistu hvað hún er að gera Kalla?" Ég náttla roðnaði eins og fífl og svelgdist svo á kókinu að það kom út um nefið...oh my...

Prumpukeppnin 2004

2004-03-31T13:18:00.000+02:00

Þar sem ég er nú verðugur andstæðingur þá ákvað ég að slá til og taka þátt í hinni árlegu prumpukeppni... Á myndinni getiði séð hinn feikilega keppnisanda hellast yfir mig í undanúrslitunum.

Hvernig líst ykkur á?

2004-03-31T02:05:00.000+02:00

Þökk sé Grundfirðingnum að bloggið mitt er komið með nýtt lúkk...verðlaunahesturinn hún Signý hjálpaði líka til. Lufsufundurinn á laugardaginn heppnaðist með eindæmum vel, þær allra hörðustu héldu út til klukkan 7 um morguninn. Lessan hún hundurinn minn er að fara í aðgerð í þriðja sinn, hún er með æxli í túttunni.

Sundfélag Hafnarfjarðar til sölu!

2004-03-25T17:53:00.000+01:00

Græna þruman úr Norðurbænum er föl! Áhugasamir hringi, ég er við símann...núna! Það er víst saumaklúbbur hjá Sólrúnu næsta laugardag, þá er mál og manna siður að dusta rykið af prjónum og heklunálum og skella sér á sjóðheitt kvöld með lufsunum.